کورد دلې چەرخەکا تاریخینە
بەشەی: ویس و هەشتەمە
هۊرگېڵنای و ئاماڎەکەرڎەی: #ئەسعەد ڕەشید#
ساڵەو (837- 829 و.ز)
ساڵەو (837 و.ز) ئاشوورییەکې هېرششان کەرڎەن سەرو ناوچەکانو زێی گۆرەی.
ساڵەو (836 و.ز) پېڎابېیەو میللەتو مادەکان، هەم بەرکەرڎەی نەتەوەو پارسوای.عەینو ئی ساڵېنە ئاشوورییەکې هېرششان کەرڎەن پەی سەرو وەڵاتو میدیای و چی ماوەنە ئاشوورییەکې نامې مادیشان سەرو تەختە گڵینەکاشاوە تۊمارەکەردېنە. هەر بەپاو بەڵگە جېیامەڼەکا هەمان ساڵەنە، یانی (836 و.ز) کیکی نامێ سەرۆکێ ناوچەیی مادەکا بېیەن.
ساڵەو (834 و.ز) مادەکې دەسشان کەرڎەن بە هېرشە پېچەوانا پەی سەرو ئاشوورییەکا.
ساڵەو (829 و.ز) ئاشوورییەکې هېرششان کەرڎەن پەی سەرو ناوچەو شارەزووری، کە بېیەن بە هۊکارو وېرانبېیەی ناوچەکەی. [1]