دوێ ماتۆڕ سوارێ هۆرامانی تاواشا پلەو یوەمی و دوەمی بەدەست باران.
ئارۊ جومعە (19 -01 - 2024) جە قەزاو سەی ساڎقی یوەمین پاڵەوانیەتی ماتۆڕ سواری پەی ماتۆڕ سوارانو سنوورەکەی کریاوە بە ئامادە بیەو جەماوەرێوە فرەی و بەشدار بېیەی چڼین ماتۆڕ سواران جە شارە جیاجیاکانەوە.
جە ئەنجامو دمایی پاڵەوانیەتیەکەینە دوێ کوڕە هۆرامیێ کە بەنامۍو یانەو وەرزشو خورماڵیوە بەشدارێ پاڵەوانیەتیەکەی بێنێ، تاواشا پلەو یەکەمی بەدەس باران پی شێوە:
جە گروپو (A) پەی ماتۆڕێ مەکینە (250) گەمەزان (مەروان اسکندر) دەرەمەڕی تاواش پلەو یوەمی بەدەست بارۆنە.
جە گروپو (B) پەی ماتۆڕێ مەکینە (450) یاریزان (احمد ڕەمەزان) زەردەهاڵی تاواش پلەو دوەمی بەدەست بارۆنە.
سەرپەرشتیارانو خولەکەی مەواچان: ئینە یوەم پاڵەوانەتین پەی ماتۆڕ سوارەکانو سنورەکەیو ئەر هامکار و پاڵپەشتیما بۊنە ساڵانە درێژەش مدەیمێ پەنە و زیاتەریچ ئا وەرزشەیە بەرەو وەڵێ بەرمېن[1]