کورد دلۍ چەرخەکا تاریخینە
هۊرئەوەگېڵنای و ئاماڎەکەرڎەی:
ئەسعەد ڕەشیدئەسعەد ڕەشید
بەشۍ: سەڎ و یەکەمە
* ساڵەو (1660ز.): فەقێ تەیران، شاعېرو کورڎی ئەچی ساڵېنە کۊچی دمایینش کەرڎەن. هەر ئەچی ساڵېنە میرنشینەکۍ بەدلیس، ئامێدی، هەکاری بییۍ بە دماکۆتەو تورکە عوسمانییەکا.
* ساڵەو (1663ز.): فەرمانڕەوایی بابا سڵیمانو بابانی ئەچی ساڵېنە دەسش پەنەکەرڎەن. هەر ئەچی ساڵېنە شاعېر (بەکر بەگو ئەرزی) دلۍ ناوچەو ئامێدینە کۊچی دمایینش کەرڎەن.
* ساڵەو (1666ز.): بەرکۆتەی مەهدیێ چەمەڕاکریا (ئەلمەهدی ئەلمونتەزەری کورد) جە ناوچەو موسڵی، کە شېخ زاڎێوە بۍ، فەرمانڕەواو موسڵی گېرتەن و دماتەر سوڵتان موحەمەدی چوارەمی بەخشان و بەردەنش پەی موسڵی.
* ساڵەو (1667ز.): ئەچی ساڵېنە کەلبعەلی خان کوڕو سڵێمان خانی بە فەرمانو شاو ئێرانی کریان بە والی ئەردەڵانی.
* ساڵەو (1668ز.): جین باپتیست، کە بازرگانێ گېڵەر بېیەن، گەشتێش دلۍ کوردەسانیرە کەرڎەن.
* ساڵەو (1669ز.): ئەچی ساڵېنە قەڵاچوالان کریان بە پایتەختو میرنشینو بابانی.
* ساڵەو (1675ز.): کۊتاو فەرمانڕەوایی بابا سلېمانو بابانی ئەچی ساڵېنە بېیەن.
[1]