کورد دلۍ چەرخەکا تاریخینە
هۊرئەوەگېڵنای و ئاماڎەکەرڎەی:
ئەسعەد ڕەشیدئەسعەد ڕەشید
بەشۍ: سەڎ و دوەمە
* ساڵەو (1676ز.): عوسمانییەکۍ ئەچی ساڵېنە هېرششان کەرڎەن پەی سەرو میرنشینو بەدلیسی، ئا دەمە عەبداڵ خان میر بېیەن، لەشکەرو عوسمانی کە فرېشان کوردۍ بیېنۍ، کۆتېنۍ تاڵانکەرڎەی ناوچەکەی.
* ساڵەو (1677ز.): بابا سڵێمان، ئەچی ساڵېنە فەرمانڕەوایی بابانییەکاش دەس گېرتەن.
* ساڵەو (1678ز.): ئەچی ساڵېنە بابانییەکۍ یاردی تورکەکاشان دان دژ بە ئێرانییەکا. هەر ئەچی ساڵېنە کەلبعەلی خان کوڕو سڵێمان خانو والی ئەردەڵانی کۊچی دمایینش کەرڎەن. * ئەچی ساڵېنە بابا سڵێمانو بابانی لوان پەی ئەستانەی.
* ساڵەو (1679ز.): گېڵەری بە نامبانگی تورکی ئەولیا چەلەبی ئەچی ساڵېنە کۊچی دمایینش کەرڎەن، شایانو باسین ئی دەرگېڵە تورکە دلۍ کتېبەکەیشەنە بە نامۍ (سیاحەتنامە) گەلێ * چېۋۍ تاریخیېش سەرو کورڎی تۊمارۍ کەردېنۍ.
* ساڵەو (1680ز.): ئەچی ساڵېنە خەسرەو خان کوڕو سڵێمان خانی بېیەن بە والی سنەی. هەر ئەچی ساڵېنە زەینلعابیدینی پاڵنگانی شاعېر ئامان دنیاوە. غەمناکی شاعېر دلۍ شارو کەرکوکینە ئەچی ساڵېنە ئامان دنیاوە. دیسان هەر ئەچی ساڵېنە میر ئەحمەڎ بەگی زەنگەنەی شاعېر ئامان دنیاوە.
[1]