کورد دلۍ چەرخەکا تارېخینە
هۊرئەوەگېڵنای و ئاماڎەکەرڎەی: ئەسعەد ڕەشید
بەشۍ: سەڎ و یاڼزەهەمە
* ساڵەو (1752ز.): ئەچی ساڵېنە خەسرەوخانو ئەردەڵانی، ئامان چېرو سایەو بابانەکا.
* ساڵەو (1753ز.): عەلی مەردان خان سەردارو بەختیارییەکا، ئەچی ساڵېنە کوشیان بە دەسو کەسێ بە نامۍ موحەمەڎ خانی. حەزرەتو شېخ مارفو نۆدێ ئەچی ساڵېنە ئامان دنیاوە. *هەر ئەچی ساڵېنە والی بەغڎای هېرشش کەردەن پەی سەرو میرنشینو بابانی، هەر ئەچاگە سلێمان پاشا کوڕو خالید پاشایش کەردەن بە میرو بابانی.
* ساڵەو (1754ز.): ئەچی ساڵېنە خەسرەو خانی گۆرە بېیەن بە میرو ئەردەڵانی.
* ساڵەو (1756ز.): کەریم خانو زەندی ئەچی ساڵېنە شارو ئەسفەهانیش گېرتەن. هەر ئەچی ساڵېنە میرو سۆرانی (میر ئەحمەڎ ئۆغوز بەگ)، بە نەوەشی زېڵی کۊچی دمایینش کەردەن. * زانای ئایینی ناوچەو هۆرامانی (شېخ موحەمەڎ وەسیم) بە نەوەشی چەمەقووڵەی ئەچی ساڵېنە کۊچی دمایینش کەردەن، ئی زانا گۆرە مامۊساو سڵێمان پاشاو بابانی بییەن جە قەڵاچوالان.
* ساڵەو (1757ز.): ئەچی تاریخەنە چڼیین کارەساتۍ و نەهامەتیۍ ڕوەشان دێنە:
* کەم ۋارانی و ۋشکەساڵی ڕوەش کەردېنە کوردەسانی، گرانی وەڵابییەنۆ، زیاتەریچ دلۍ ناوچەکانو دیاربەکرینە، کە بییەن بە هۊکارو کزبیەی ژمارەو نیشتەجایەکا.
* ئەچی ساڵېنە، سڵێمان پاشاو بەغڎای کوشیان.
* وەڵابیەیۆ نەوەشی چەمەقووڵەی دلۍ پانیشتو کوردەسانینە بە شېوێ وەروەڵا.
* ئەچی ساڵېنە، سەلیم پاشاو بابانی کوشیان.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید.
[1]