کورد دلۍمە چەرخەکا تارېخینە
هۊرئەوەگېڵنای و ئاماڎەکەرڎەی: ئەسعەد ڕەشید
بەشۍ: سەڎ و سېڼزەهە
* ساڵەو (1763ز.): شۊنەوارئەشناسەکۍ چن تۊمارێشان پەی جیائاستېنمۍ کە تاریخشان مەگېڵۊوە پەی ئی ساڵ و سەردەمەیە:
* سڵێمان پاڎشا، دیسان بییەنۆ بە میرو بابانی.
* ئەحمەڎ پاڎشا دیسان بییەنۆ بە میرو بابانی.
* سڵێمان پاڎشاو بابانی بە دەسو فەقی ئەحمەڎی کوشییان.
* جەنگو میانو بابانەکا و ئەردەڵانییەکا قۊمیان، دلېشەنە بابانەکۍ سەرکۆتېنۍ و سنەشان داگیرکەرڎەن، بەڵام دماتەر چەنەشان ئەسێنێ.
* ساڵەو (1764ز.): ئەچی ساڵېنە موحەمەڎ پاڎشا کوڕو خالید پاڎشای مەبۊن بە میرو بابانی. هەر ئەچی ساڵېنە سڵېمان پاڎشاو بابانی کوشییان.
* ساڵەو (1765ز.): حەمە ئاغای دەربەڼ فەقەرەی شاعېر، ئەچی ساڵېنە ئامان دنیاوە. هەر ئەچی ساڵېنە سڵېمان پاڎشا میرو بابانی دلۍ وەرمینە کوشییان جە قەڵاچوالان.
* ساڵەو (1766ز.): ئەچی ساڵېنە (کارستن نیبوور) لوان پەی هۆلېری. هەر ئەچی ساڵېنە نیبوور گەشتنامەکەش وەڵاکەرڎەنۆ کە دلېشەنە باسێش سەرو کورڎی نویستەن .
* ساڵەو (1767ز.: میرو میرنشینو بادینانی (بارام پاڎشای گۆرە) ئەچی ساڵېنە کۊچی دمایینش کەرڎەن. هەر ئەچی ساڵېنە میرنشینو ئەردەڵانی ۋڕان.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید.
[1]