کورد دلۍ چەرخەکا تارېخینە
هۊرئەوەگېڵنای و ئاماڎەکەرڎەی: ئەسعەد ڕەشید
بەشۍ: سەڎ و نۊزڎەهەمە
ساڵەو (1786ز.): ئەچی ساڵېنە عوسمان پاڎشا براو ئۆڕەحمان پاڎشای، بېیەن بە میرو بابانی. هەر ئەچی ساڵېچەنە دەسەڵاتو ئەیوبییەکا ۋڕان.
سالەو (1787ز.): ئەچی ساڵېنە چڼیین تۊمارۍ پەی ئېمە مەنېنێ:
* ئیبراهیم پاڎشا دیسان پەی ماوەو ساڵێ بېیەنۆ بە میرو بابانی.
* مېیانو هەر دوە میرنشینو بابانی و سۆرانینە جەنگێ قۊمیان دلۍ دەربەڼو (مێگری بێجان)ی، ئەچا جەنگەنە بابانەکۍ زەرەرێ فرەشان ۋەنەکۆتەن.
*ئۆغوز بەگ، بییەنۆ بە میرو سۆرانی.
* ئیبراهیم پاڎشاو بابانی پەی دوەم جاری بییەنۆ بە میرو بابانی.
* مسیۆنێرێکی کاسۆلیکی ئیتالی بە نامۍ (ماورێز یۆگار زۆنی)، یەکەمین کتېبش چەربارەو ڕازوانی کورڎی بە زوانی ئیتالی وەڵاکەرڎەنۆ.
* شارو ڕەواندزی بېیەن بە پایتەختو میرو سۆرانی.
* پەی یەکەمین جاری (276) واچۍ کورڎیۍ، دلۍ کتېبو فەرهەنگو موقاڕەنەینە پەی گردو زوان و شېوەزوانەکا، جە لاو ئەکادیمی پاڵاسی ڕووسیۆ سەرو فەرمانو ئیمپراتور (کاترین)، چاپ کریان.
* تاریخو (28-03-1787ز) گەشتوەر (کلۆدیۆس جیمس ڕیچ)، دلۍ فەرەنساینە ئامان دنیا، نامبریا گەشتێ توولانییەش دلۍ کوردەسانیرە جە تەمەنو (33) ساڵینە کەردېنە، گەلێ زانیاریۍ بە کەڵکېش چەربارەو بابانەکا و ئەردەڵانەکا تۊمارۍ کەردېنۍ.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید.
[1]