کورد دلۍ چەرخەکا تارېخینە
هۊرئەوەگېڵنای و ئاماڎەکەرڎەی: ئەسعەد ڕەشید
بەشۍ: سەڎ و ویسەمە
ساڵەو (1788ز.): ئەچی ساڵېنە شۆڕشو ئۆڕەحمان پاڎشاو بابانی خېزیان. هەر ئەچی ساڵېنە عوسمان پاشاو بابانی بېیەن بە میرو بابانی و هەر ئەچی ساڵېچەنە مەردەن.
ساڵەو (1789ز.): ئەچی ساڵېنە چن تەقەیۊرێ دلۍ دەسەلاتو میرنشینە کورڎیەکانە ڕوەشان دێنەو پەی ئېمە تۊمارۍ کریێنۍ:
* ئۆڕەحمان پاڎشا، بېیەنۆ بە میرو بابانی.
*جەعفەر خانو زەندی، ئەچی ساڵېنە کوشییان.
* میر ئەحمەڎخان کوڕو مورتەزا قولیخانی میرو دونبولی، ئەچی ساڵېنە کوشییان.
* عوسمان پاڎشاو بابانی جاڕو سەربەۋېییش دان.
* جەنگێ میانو ئیسماعیل بەگ میرو بادینانی و براکاشەنە قۊمیان، ئاکامەنە ئیسماعیل بەگ براکېش دلۍ زیڼانو ئامێدینە بەڼۍ کەردۍ.
ساڵەو (1790ز.): ئەچی ساڵېنە، چن تۊمارێ پەی ئېمە مەنېنێ:
* ئاقە کوڕو مەلیک قاسم ئەیوانی کەلهوڕی شاعېر کۊچی دمایینش کەرڎەن.
* هەر ئەچی ساڵېنە مەڵلا خڎری ڕواری کۊچی دمایینش کەرڎەن.
* ئەچی ساڵېنە هۊزو (ملیی) ناوچەو ماردینی جە سەرنیشتو کوردەسانی، دژو عوسمانییەکا ڕاپەڕیێنۍ.
* شېخ حوسێنی قازی، ئەچی ساڵېنە ئامان دنیا.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید.
[1]