حۆت پەراسوۋېش جە ئۊممەتو محەممەڎی زیاڎېنۍ

پەی ئېمە مەعلوومەن هەکە گردو بنیاڎمەکا، گردو ئۊممەتو محەمەڎی ئڼەو یۊی پەراسۋېشا هەنۍ، کەس جە کەسی زیاتەرش نېیەنۍ، بەڵام پېسە ئیدیۆمێ واچیان پا کەسا هەکە فرە بە سەبر و تەحەممولېنی، دلۍ گردو بار و زرووفە گران و گولەکانە وەرگەگېران و نمەچەمېیاوە، ئازێنۍ و خاوەن ئیرادېنۍ. فرەو یاگانە ئی ئیدیۆمۍ بەکارمێ، پەی نموونەی پیێوە خاوەن گڵفەتێ فرە، هەر یۊشان گیۋاو سەرکەشێ مەژاوۊن، هەر یۊشان ئاوازێ مەژەنۊن، بە پیاو ئا یانەیە ماچان بە خوڎا برا حۆت پېشېش جە خەڵکی زیاتەرېنۍ، مەر هەر ئاڎ ئا سەبر و تەحەممولشە بۊن، یام بە ژەنێ زەحمەت کېشۍ، کڵفەتۍ، خاوەن پیای خرابۍ، کەم دەرامەتۍ، ماچان بە خوڎا ئا ژەنی حۆت پەراسوۋېش جە ئوممەتو محمەڎی زیاتەرېنۍ، مەر هەر ئاڎە ئا گردو بارەیە بەرۊن.[1]