کۆنیشتوو ڕانویسی یۆگیری هۆرامی لوا ڕاوە
ڕۊدیاروو جومعەی (18)و سیاوکاموو (1402)ی بە بەشداری ئازیزاو ئەنجۆمەنوو ژیوایو هەڵەبجەی و ئەنجۆمەنوو ڕۊجیاری و بەشێو جە پسپۆڕا، شاڕەزایا، لایەنگیراو ڕانویسی یۆگیری هۆرامی، کۆنیشتێوی یەره سەعاتە جە شاروو مەریوانینە بە مێمانداری ئەنجومەنوو ڕۊجیاری لوا ڕاوە.
چی کۆنیشتەنە تازەتەرین و بەڕۆتەرین پەیلوای و دەسکۆتێ تازێ جە لاو پسپۆڕاو زوانی هۆرامیوە پەی بەشدارا بەیان کریەی. ئاکامەنە ئینە درکیا کە؛
ئی ئەلف و بۍ هەکە ئیسە گردو کوردی، پەنەش منویسیۆ گرفتش نېیا و ئېمەی هۆرامی زوانیچ متاومۍ چەنەش کەڵکە گېرمێ.
بڕیار دریا ئی نیشتێ و بەرنامۍ ئێدامەشابۊ.[1]