پەی گڵیاوەکاو کەشی
بەشۍ دوەمە
بزە نەچیرێ
دەپانزە ڕوێ پاییز مەنەن، بەتەرسو بەپەنهانی ئامانیرە، دماو چل شەوا زانام بەوېم ئیتر تەنیا من هەروېم نېیەناو بەرێم پەنەن، وەرو پارێزنای ئی بەری، وېم جەگرد چیوی پارێزنێنێ، ئاخر ئېمە مێمڵێما فرێنێ، یۊ چانیشا پاڵنگا، وەرگا، وەرو سڵامەتی ئی بەریمە بازی نەڎێنێ، کەناررە ویەرێنێ نەک شاخێم بڎاوەنەو ئی بەریمە وزوو، حەر نۆعێ بی وېم یاونا کۆپڕ، ئیتر زانام مانگەو وېمنە، ئینەی زانێنێ حەرچیێم کەردەن ئشۆم وېم یاونورە بنارو کەشا، چوون مەشی کویسانی کزنێنێ، گەر وەرا بزڵەکەیۆ حەیبەتیێنە قاڕۆنەو ونوەرەکێما پەنەش زاناو وەراش.
وردە وردەی وەستانیرە بنار، لوانی بنەو چەقالێ بەسمە کڕێ چېرو وېم پاک کەردۆ، قاچێم کېشتێرە، قەپۆسەم کەردە ئاسمانی، سەراو و بزڵەی تەقا، پڕێنە شۆکەو لەمێم ئاما، لام کەردۆ بزڵەی وینو کەوتەبۊرە، مڎیەو چېرم پەڕا وننی، تمەس گڵیاوێ سەرو مایکەسولێوە تەقنێناش وەنەو عازاو عەنامیم پەڕبېیەن وننی، نەک هەروېم دلۍ لەمێچمنە بزڵەکەیچمش دیمان دەر کەردەن.
من وەرو مەشە کزنێ کەبزڵەکەی نەچزنۆنە کویسانۆ ئامانېرە بنار، کەچی بەفیشەکێ چێ سەرەیچم لواو بەریچم، ئیتر چا وەختۆن زانانما دژمەنەکێ وەڵێما ئڼەو ئی گڵیاواو کەشی ون ورێ ئېمە نېیەنێ، بەعەزرەتێنمێ ڕوێ وەشمابۆ، نیا.
عەفان دەرەمەڕی.[1]