کورد دلې چەرخەکا تاریخینە
بەشې: دوەسەڎ و حەفتا و چوارەمە
هۊرگېڵنای و ئاماڎەکەرڎەی: #ئەسعەد ڕەشید#
ساڵەو (1919ز.):
* ئەچی ساڵېوە تاکو ساڵەو (1927ز.) هۊرخېزیای شۊڕشی جە ناوچەکانو سلېمانی بەسەرداری شېخ مەحمووڎی بەرزنجی.
* ئەچی ساڵېنە، مەحمووڎ خانو دزڵیې بە وېش و چن سەڎ چەکادارې هۆرامیې یاوا سلېمانی پەی یاردیدای شۆڕشو شېخ مەحمووڎی بەرزنجی دژ بە ئینگلیزەکا.
* ئەچی ساڵېنە، مێجەر نۆیل کە فەرمانبەرێ ئینگلیزەکا بې بە دزییۆ ئاما پەی کورڎەسانی.
* ئەچی ساڵېنە، پێمانو (سان ڕیمۆ)ی میانو فەڕەنسای و بەریتانیای بەسیا، دلېشەنە نەخشەو لکنای پانیشتو کورڎەسانی بە عێراقیۆ کېشیا.
* ئەچی ساڵېنە (کۊمەڵەو بەرزی ژەنا کورڎی) جە ئەستەمبوڵ مەرزیارە.
* ئەچی ساڵېنە، ئینگلیزەکې نازنامو خان بەهادووریشان دا بە عادیلە خانمەو جافی.
* ئەچی ساڵېنە، ڕۊنامەو (ژین)ی جە ئەستەمبوڵ بەرشییەن، بە دەسو (مەمدوح سەلیمی و کەمال فەوزی و هەمزە بەگ)ی.
* مکرم ئالملک، جاگیرو ئوستاندارو ئازەربایجانی بە هامکاری ئەرمەنەکا، بۊمبێ سازنۊو دلې پاکەتێنە بە پۆست مەکیانۊش پەی ئیسماعیل خانو سمکۆی جە چەهریق، بە نامې شیرینیۆ، کە گوایا پەی کناچەزا گولانەکەیش کیاستەنش، بەلام سمکۆ یەکسەر جە پیلانەکې مەیاوۊنەو پاڵ منیۊ پاکەتەکېوەو وېش تەختو زەمینی کەرۊن، پا تەرزە جە مەردەی ڕزگارش مەبۊن، دمای ئانەیە ئیتر سمکۆ بە تەمامی قینیش مەگنۊ ئەو فارسەکا.
* هەمزە بەگ، ڕاوەبەرو ڕۊنامەو (ژین)ی بە دەسو تورکەکا گیریا، قەرارو دریای قەنارەیش دریا، چوونکوم دلې شارو ماردینی دلې کۊنیشتێوەنە وتارێش دێبې و واتەبېش؛ کورد مەشۊم وېش ئازاد بکەرۊن.[1]