کورد دلې چەرخەکا تاریخینە
بەشەی: دوەسەڎ و حەفتا و پەنجەمە
هۊرگېڵنای و ئاماڎەکەرڎەی: #ئەسعەد ڕەشید#
ساڵەو (1919ز.):
* ئەچی ساڵېنە، بەشێ جە وەرکۆتو کورڎەسانی جە لاو ڕووسەکاوە داگیرکریان.
* ئەچی ساڵېنە ، تورکەکې سەرنویسەرو ڕۊنامەو (ژین)ی، هەمزە بەگشان قەنارە دان.
* هامنو ئی ساڵې، هېزێ گۆرە بە سەرداری ئیسماعیل خانی سمکۆ تۊقەو شارو ورمێشا دان، بە نیازو ڕزگارکەرڎەیش، بەڵام داگیکاری ئێرانی بە یاردی ڕووسی هېرششان پەی کەردې و تاکو چەهریق پاکشېشا پەنەکەردې.
* ئەچی ساڵېنە، پێمانێ میانو ئێرانی و بەریتانیای بەسیان، بەپاو ئا پێمانەیە ئێران زېیاتەر بی بە چېردەسەو بەریتانیای.
* دۋې تیپی سەربازیې ئاسووری کە سەر بە ئینگلیزەکا بېنې، ناوچەکانو دهۊک و زاخۆ و ئاکرێ و ئامێدی، دژو کوردەکا جەنگیێ.
* شارو هۆلېری کریا بە ناوچەو لیوێ، وەڵتەر قەزێوە سەر بە ویلایەتو موسڵی بې.
* یانەو موحەمەد ئەمین زەکی بەگی ئەچی ساڵېنە سۊتەن، چەنەش (200) لاپەڕې جە تاریخو کورد و وکوردستانەکەیش سۊتەن، پۆکەی ناچار بېیەن دماتەر سەرجەنۊ دەس بکەرۊوە بە نویستەیش.
* ئەچی ساڵېنە، ژمارێ فرې خانەوادې شارو سلېمانی ئاوارې وەرکۆتو کورڎەسانی بیېنې، بە هۊکارو خېزیای شۆڕشەکەو شېخ مەحمووڎی، دلېشانە زێوەری شاعېرشا چەنەبیەن.
* دلېراسەو ئی ساڵې، چڼیین ناوچې سەرنیشتو کورڎەسانی ئازادې کریێنې، کە ناوچەو (کۆچگیر)یشان کەرڎەن بە پایتەختش.[1]