کورد دلې چەرخەکا تاریخینە
بەشەی: دوەسەڎ و حەفتا و ششەمە
هۊرگېڵنای و ئاماڎەکەرڎەی: #ئەسعەد ڕەشید#
ساڵەو (1919ز.):
* سەرەتاو مانگەو (01) ئی ساڵېنە، وەفدێ جە کورڎی بە سەرداری عەبدولقادری شەمزینی لوێ پەی ئەستەمبوڵی پەی دیڎەنی ئەدمیراڵ کارلۆربی، کیانیەرو بەریتانیای جە ئەستەمبوڵ، تاکو چەربارەو چارەنۋیسو کورڎی گفت و گۊش چەنی بکەران، ئا وەفدە یاداشتێشان پەنەبې، کە تاریخو (#02-01-1919#ز.) سەردارو کۊمیتەو کورڎەسانی، عەبدولقادر شەمزینی و سکرتێرو کۊمیتەی خەلیل بەدرخان و سەید عەبدوڵڵا شەمزینی و موستەفا پاشا و عەبدولعەزیز بابان و مەلا سەید بەدیعولزەمان و مەلا عەلی ڕەزا، ئیمزا کریابې.
* تاریخو (#18-01-1919#ز.)کۊنگرەو ئاشتی جە پاریس بەسیان، کە شەریف پاشاو خەندانی کیانیاو کورڎی بې، چاگە داواو مافە نەتەوەییەکا کورڎیش کەرد.
* تاریخو (#21-01-1919#ز.) دامانو کەشو (شەکریازی)میانو خوی و سەڵماسینە، یاگێنە بە نامې (قانی دەرە) هېزەکانو ئێران و کورڎی داشا یۊی، ئەنجامەنە لەشکەرو کورڎی سەرکۆت ملو داگیرکاری ئێرانیرەو سەردارەکەیچشا کوشییا.
* مانگەو (02) ئی ساڵېنە، ئینگلیزەکې ۋانگێوەشا دلې سلېمانینە کەردۆ.
* مانگەو (02) ئی ساڵېنە، سمکۆ گلېرۆبېیەیێش چەنی سەردارە کوردەکا سازکەرد، تاکو گرڎشان پەی ڕاپەڕینێ خېزیان.
* مانگەو (02) ئی ساڵېنە، هۊرگیسیای ڕاپەڕینێ جە ناوچەو زاخۆی دژو ئینگلیزەکا، سەرەتا کاپتن پیرسۊنی ئینگلیزشان کوشت.
* تاریخو (#06-02-1919#ز.)، شەریف پاڎشاو خەندانی چەمش کۆت بە کلیمانسۆی، سەرۆکو کۊنگرەو ئاشتی پاریسی، چەربارەو گرفتی نەتەوەیی کورڎی چڼیین واتە و واچېشا سازنێ.[1]