تەختو بەڵقیسۍ و تەختە قەرەچی و تەختۆ چېڕا
نویستەی:
ئەسعەد ڕەشیدئەسعەد ڕەشید
هەرکەسێ جە خەڵکو بیارۍ، یام کەسێ بیارېنە ژیوابۊ بڕێ یاڎەوەریېش چەنی ئی یاگا هەنۍ و ئاشنان پی ناما و شارەزان پی یاگا.
بەڵقیسە، نامێوە هۆرامیە نېیەنە، سەرچەمەو ئی نامۍ دیارنیەن، بەڵام تا ئا یاگۍ من پەرسانم و ویرم چەنە کەرڎەنۆ بەڵقیسە پاشاو سەبەئەکا جە یەمەن، کە ژەنێ دەسەڵاتدارەو بە هېزە بیېنە و سەرو تەختێ شاهانەیۆ نیشتېنەرە، کە دماجار باوەڕش بە حەزرەتو سڵېمانی ئاردەن، ئانەبۍ سڵېمانی پېخامئاوەر تەختەکەش فاڕاوەو وەردەمشەنە نیاشەرە. وەڵینەکۍ ئېمە کاتێ چا یاگە تەخت و پەڕ دار و درەختەنە نېشتېنېرەو قاچېشان دلۍ ئاوۍ چیێ و ڕۊشنۍ و سازگارەو هانەی و هەوای پاکو ئامېتە بە بوۋەو گوڵا و نەغمەو باڵدارا، تەختو بەڵقیسۍ ئامان وەرچەماشاو مشنانشاو وېناشاکەردەن پا تەختەیە.
تەختە قەرەچی، یاگێوە تەختەنەو جارا قەرەچیۍ ئامێنۍ سیاوماڵشا هۊردان و وردە هەرمانۍ دەسیېشا کەردېنۍ و چاگە ژیوێنۍ، دماتەر ئا نامېشە لکێنە پۊرە.
تەختۆ چېڕا، نامەکۍ جە (تەختو چېر ڕا)ی ئامێنە، یاگێ تەختەنە مەگنۊ چېرو ڕاو بیارۍ و هانەگەرمڵەی، واتەنشا تەختو چېرو ڕاکا، ئیتر بە دەمواچۍ سوویێنەو بیېنە بە (تەختۆ چېڕا).
[1]