زۋان پېسەنە زەریای و تاکو نەگنمېشەنە، نمەتاۋمۍ قۇڵییەکەیش دەرک کەرمۍ
نویستەی: #ئاکۆ مارانی#
مامۊسا گېیان تۊ کۊششو وېت کەرە و وېت بە ئا کەساۋە خەریک نمەکەرە، گرڎ سەردەمېۋەنە و گرڎ بابەتېۋەنە چەمچۍ هەنۍ.
هەڵبەتە مەرج نییەن، ۋاچېۋە نەزانمۍ، ئیتر زۋاننەزانۍ بیمۍ. زۋانزانی هەر کەسېۋی، پەیۋڼیش بە پەنەۋازییەکاو ژیۋای ئا کەسەیۆ هەن؛ بڕېۋ ۋاچۍ کە قەساب مزانۊشا دۇکاندار نمەزانۊشا، هەر پاسە پەی ( کڵاشکەرا و باخدارا و ئاسنگەرا و ناڵکەرا و شۆڤێرا و جۊڵایا و هیتیارا)چ پاسەنە.
مشیۊ ئانەیجە پەسینمۍ، کە دەگێۋە بنەدیالێکتېۋی تەر باجەڵ ۋاچۊ.
زۋان پېسەنە زەریای و تاکو نەگنمېشەنە، نمەتاۋمۍ قۇڵییەکەیش دەرک کەرمۍ.
چېۋېۋی تەر، کە پەنەۋاز کەرۊ گرڎیما بزانمېش، بەتاییبەت کۊششکەرۍ بوارە کولتۇریی و کۊمەڵایەتییەکا، ئانەن، کە چی ڕۊزگارە نەفرەتییەنە ئینسانەکۍ پەی چڼ لایکېۋی یان مشتېۋ زەڕی ڤیدیۆو ئەڎێ و تاتەیشا پەی مەخسەرەو تۊڕەکا گاڵتەجاڕی منیارە و ۋەڵاکەراۋە. بارېۋی چامنەنە فرە ئاسانتەر زۋان و هونەر و ئەدەب و تەنانەت کۊمەڵەیچ کریا بە کەرەسۍ و ئامرازۍ نامبانگ بەرکەرڎەی و بازاری.
نمۇنە هیزی ڤیدیۆو یۊ چە کەبابخانەکا نریابېرە. لالۊ ئۊسمانی گۊرانیۋاچ ناهاگا دۇکانەکەنە پەی گۊرانیېۋۊ سەردەمو گەنجی و دەنگ-سافیش گرەۋۍ، کاکی دۇکاندار ئا بارە خەفەتاۋییەو هونەرمەڼیش چنی شیش پېکنایۆو وېش تېکەش کەرڎەبۍ و پەی گۊشت و گون و وڵەکاو ۋەرو دەسیش ڕێکلام کەرۍ.[1]