دنیا بە پووشۍ سەرنەگیریێنە
مەبەس جە ئیدیۊمەکۍ ئانەن کە دنیا گەر پېسە یانێوەبۊن، بە پووشۍ سەرنەگیریێنە، یانی ئڼە نامەحکەمەو بۍ یاسا و بۍ دەستوورە نییەنە، هەر چەنی یانەی بە پووش سەرگېریا فشەڵەن و بەئاسانی گرڎ چېو ملۊرە دلېش، دنیا ئەپاسنۍ نییەنە. بە کەسێ ماچان هەکە بەبۍ منەت ئەچی دنیانە هەرچیش گەرەکبۊن مەکەرۊش، گۊش نمەڎۊ بەها گۆرەکا و یاسا گەردوونییەکا، مەرەجیۊش هیچ چېوێ ساحیبش نییاو کەس هەقش نیەن سەرشۆ. پېسە مزانمۍ ئی دنیا هەرپاسە بە هەوانتە درووسە نەبیېنە، خاوەنش هەن و مەشۊم ئا جۊرە کەسۍ بچڵاکیارەو بلاوە وېشارە. ئیدیۊمەکۍ زېیاتەر هەڕەشەئامېزەنە پەی ئا کەسا هەکە تاوان مەکەران، یام نیازو تاوانیشان هەن، کە ئاگاشان جە وېشا بۊن گرڎ تاوانێ تۊڵە و سزاش هەن.[1]