دنیاش گېرتېنە کۊڵېوە
پېسە مزانمۍ ئیدیۊمەکۍ زیاڎەلوایی ئامېزەنە، بە کەسێ ماچیۊن هەکە تەماعەو دنیێش فرېبۊن، هەر دەم خەریکو هەرمانکەرڎەین، بە هیچ تېر نمەوەرۊن. پەنەش ماچان دنیاش گېرتېنە کۊڵۍ، بەڵام پېسە مزانمۍ دنیا نمەگېریۊ کۊڵۍ، زیاڎەلوایێن پەی ئەشناسای ئا جۊرە کەسا. بڕێ کەسۍ وەرچەم ئاورێ، شەوە منیا سەرو ڕۊی، وچانە نمەڎان بە وېشان، وەرم و واردەشان تېک شییەن، هەرچن بەشو ژیوایێ خاسی سەروەت و سامانشان هەن، بەڵام ئڼە پیس کۆتېنۍ شۊنەو تەماعېشا، مەرەجیۊشان دنیا هەر هینەو ئاڎیشانەو بەشو کەسی تەریش نییەنە پۆ. پۆکەی پەنەشان واتېنۍ دنیاشا دێنە کۊڵېشارە، گەر گرڎو دنیێ بکەری دلۍ تۊشەبەرێ و دەیش کۊڵېشارە، هەڵای هەر تېر نمەوەران.[1]