نامۍ: ڕێبوار
نازنام: هۆرامی
نامۊ تاتەی: محەمەد
ساڵۊ پېڎابییەی: 1990ز.
یاگۊ پېڎابییەی: #کامیاران#
$ژیۋاینامە$
ڕېبوار هۆرامی؛ نامۍ تەمامەش، ڕېبوار محەمەد ئەمین؛ ئەشناسیا بە ڕېبوار هۆرامی، ساڵەو (1990ز.) شارو کامیارانی جە ئێران ئامان سەرو دنیێ. سەرەتاو هەرمانکەرڎەیش دلۍ دنیاو نویستەی و ڕۊنامەگەرینە، مەگېڵۊوە پەی هەرمانکەرڎەیش دلۍ ڕۊنامەو (هاوڵاتی) و (وێسگە نوس)ی. دلۍ دنیاو هۊرگېڵناینە هەرمانەش کەردېنە، چڼیین بابەتېش هۊرگېڵنێنۍ. دماتەر پېسە ئاماڎەکار و پېشکەشکارو بەرنامەو (کۊمسای) جە ڕادۋینو (هەموان)ی کارش کەرڎەن، کە بەرنامێوە کەلتووری و فەرهەنگی هۆرامی بېیەن. دماو ئانەیە پېسە ئاماڎەکارو بەرنامەو ڕۊجیاری دەس بەکار بېیەن. دلۍ کەناڵو کەرکووکی ئاماڎەکارو بەرنامەو (ماچۊ) بېیەن جە سنوورو هۆرامانی و لهۊنی.
ساڵەو (2020ز.) ویرلۍ کەناڵێ هۆرامی مەگنۊ دلۍ مەژگیش، بە مەبەسو پارېزنای کەلتوور و فەرهەنگو هۆرامانی، دماتەر بە هامکاری چن دڵسۊزێ کەناڵو ئەنتەرنێتی (ئاژین)ی مەرزنۊرە.  
 مەرامش چی هەرمانا، گەشەپەنەدای و پارېزنای کەلتوور و فەرهەنگی هۆرامی و زوانی هۆرامی و زوانی ماچۊ و ئەشناسای هۆرامانین، ئەشناسای گۊران زوانەکان، تاکو ئیسەیچ هەر خەریکەن و درېژە مڎۊ بە هەرمانە هونەری و کەلتووری و فەرهەنکییەکاش، پېسە وانکارو بەشو ئینگلیزی جە زانکۊ هەڵەبجەی هەن، ڕېبوار هۆرامی ڕاوەبەرو کەناڵو تەلەفزیونی (ئاژین)ییەن.
ئەسعەد ڕەشید.[1]