هۆندا
هۊرئەوەگېڵنای و ئاماڎەکەرڎەی: #ئەسعەد ڕەشید#
هۆندا هەڵای زاروڵەبۍ، ئارەزووش جە مەلەکەرڎەی بۍ، ڕوێشا ویرش کەردۆ کە وېش فېرو مەلەکەرڎەی بکەرۊن، چوونکوم هامڕاکېش گرڎ مەلۍ زانېنۍ.
داواش کەرڎە یۊ جە هامڕاکاش کە فېرو مەلېش بکەرۊن، ئاڎیچ ماچۊ: گەر گەرەکت بۊ فېربی، ئەشۊم ماساوێ گولانۍ قووت دەی کەنامېش (میداکا)نە، ماساوێ گولانېنە کە شکڵش پېسەنە بەچە قرواقۍ.
هۆندایچ بەنەزانی وېش ئی هەرمانېشە کەرڎەو وېش فڕەدا دلۍ ئاوەکۍ، بەڵام هیچ چېوێ تازە ڕوەش نەڎا. لوا پەی لاو ڕەفېقەکەیش و پەنەش وات: کە هیچ فېرو مەلۍ نەبییەن، ئاڎیچ ماچۊ: هۊکارەکەش ئانەن کە تۊ زارۊڵێوە بە هەیکەل و گۆرەنی، ئەشۊم ماساوێ گۆرەتەرە قووتە بڎەی، هۆندا ئی جارەیچە بەگۊشش کەردو لوا پەی قەراخو بەحرەکەی و ماساوێ گۆرەتەرەش قووتەدا و وېش ۋست دلۍ ئاوەکۍ، بەڵام دمای هۆڵدایێ فرەی نەتاواش فېرو مەلۍ ببۊن.
هۆندا، مۊچیاری هام تەمەنەکەیش کارێ لوابۍ مەژگش، کە هیچ گومانێش جە زانیاریەکاش نەبۍ، دەسشکەرد بە ڕەمای قەراخو ئاوەکېرە، هەر ماوێ لوۍ ڕانەو ماساوێ قوتەدۍ و وېش فڕەدۍ پەی دلۍ ئاوەکۍ و دەسکەرۍ بە مەلەکەرڎەی، هوندا بەردەوام بی جە ماساو قووتدای و وۍ فڕەدای دلۍ ئاوەکۍ، تاکو فېرو مەلۍ بی.
هۆندا، دمایی ماچۊ: من نیەتم ئاردەبۍ کە ئەر بە قووتدای گرڎو ئاوەو بەحرەکەیچ بۊ، وېم فېرو مەلۍ بکەروون.
دیاریکەرڎەی مەرامی گرنگا، بەڵام چانەی کرنگتەر، بەردەوامین پەی یاوای بە مەرامەکەی، دیاری کەرڎەی لووتکۍ کەشی ئاسانا، بەڵام یاوای لاش وایەو گرنگەن، یاوای بەمەرامی ئیرادێوە مەحکەمش گەرەکەن، کە هیچ قولتۍ و ڕاگیرۍ نەتاوا ڕاگیری کەران و سەردش بکەراوە.
دماجار (سوئی چیرۆ هۆندا) پا ئیرادە ئمپراتۆریەتو (ئابوری هۆندایش) مەرزنارە.[1]