‍ یاڎەوەریەکېم
بەشې نۊزڎەهەمە
من واتەنم و ماچوویچ: داخۆم دونیا تکرارە بۊوە و دیسانەوە ڕەستاخیزێوە ئاخرۆ زەمانی وەرو چەماماوە و چی دونیانە بەرپابۊوە کە ڕەگەزێوە پاک، بەئەخلاق، بې حاشییە و بەبې قینی و کینە دووبارە جە ئەڎێ بۊوە؟، نۆعوو بەشەرەکا ماچو، ئا پیا عالێ و ئا ژەنە عال و وەش پەنە کەوتا کە ئیسە ۋیریەینە کە چەنی ئی بەشەرە عالە و ئی پیا عالێ جە مەملەکەتێنە، جوغرافیایێنە، مەحاڵێنە، دەگایێنە، پەروەردێ بییێبېنې و ئیسەیچە وێنەشا نییا و ڕەنگەن ڕېکیچ نمەگنۊوە کە پێدا باوە.ئارۊ ئی گرڎە ڕەسانە و دانشگا و مەدرەسێ نۆعاونۆعێ و ئی گرڎ کتېبې و مەجەلێ هەنې؛ پەی پەروەردەکەرڎەی بەشەروو ئارۊی و ڕېک و پێککەرڎەی کۊمەڵگای، کە چېش ڕېک نمەگنۊ یام فرە کەم و بەدەگمەن پیایێ عال و یان ژەنېوە عالە؛ هۆرامییە، شامیانیە، سەرشیوییە، کۊماسەیە، مەریوانییە، سنەیە، لەیلاخییە و موکریانەیە هورگنۊ و ئېمە بتاۊمێ بلمێ شۊنۊ ماواشەرە! ( ئێحترامم هەن پەی گرڎ کەسی!ئینەیچە دەورووبەرەکەما وېتا وێندێش و وێناش کەرڎې و ئیجا وێچتا لەیەکش دەیدېوە! من فەقەت باسو دەگاو ڕواری کەروو هیچ چېوېوەتەر. تەنانەت باسو شارو مەریوانی نمەکەروو کە نزیک بە پەنجا ساڵېن نمەکەش کەروو، چەنەش ژیوو و ڕۊح و گېیانیچم چەنیش تێکەڵەن.چی شارە نازارەیچنە کەسایەتی و شەخسییەتێ عالێ و پاکێ و گېیانبەختکەرې و مامۊستای زاناو داناو دانشمەندێ و پسپۆڕێ و ڕېک و پێکېما چەم پەنە کەوتێنێ کە داخەکەم دووبارە بییەیشا و ئەوەئامایشا مەحاڵەن.گېڵوە پەی مەحاڵەکەو وېما؛ کەسایەتییەکاو وەڵێ وېم نمەواچوو کە ئەڎام و تاتەیم و مەتییەکام و خەڵکی ئەشناسیاو نەشناسیا باسشان چەنە نەبڕیێنێوە. من باسو ئانیشا کەروو کە تەنانەت زاڕۊڵەییمنە دیێنێم ( ئادیچ ڕەنگا تاکو 10 ساڵەگی وېم ویرم مەنێبا، دماتەر کە ئا مەحاڵوو وېما ئاستە جېیاتی و داخەکەم ئاڎېچێ فەوتشا کەرد و پەی هەمیشەی ئاستیمێشا جېیاتی. جە بازنەو زەمانی فرە کەمینە چەمما پەنە کەوتێ). چېگەنە ئیتر هیچ نمەواچوو و باسەکەی کۆتا کروەوە بەس با بڕېشا یاد کەروەوە؛ دەرەجاتوو گرڎیشان عالی بۊنە و بەهەشتی بەرین یاگېشان بۊ:
ماموسا مەڵا ئەحمەد، مەڵا محەمەد، تاتەم ( ماموسا مەڵا قادر ئەختەر ڕواری)، میرزا مەحمودوو کێخا موتەلێبی، کێخا ئەولکەریم، ئۊسا عەودڵا؛ گۆرە پیا عالاو خاندانوو تایفەو مەڵایا)، میرزا کەریم، حاجی شاوەیس، حەمەکەریم سیاوڕێحانی ( گۆرە پیا عالاو خاندانوو تایفەو عەلی قاوەچیا)، غەفار بەگ و حەمەدئەمین بەگ، کاک حەمەکەریم، تۊفێق بەگ (گۆرە پیاعالاوخاندانوو تایفەو بەگزادەکاو ڕواری)، ماموسا مەڵا ڕەشید و ئۊسا نەسرەدین و حەمەکەریموو یۆسۆی و لالۊ ڕەحمان (گۆرە پیا عالاو خاندانوو تایفەو یۆسۆی).
هەنیچتەر و دیسان عەرزتان مەکەروون کە چن پیا و ژەنە عالێ تەرێم چەم پەنە کەوتێنێ و زێهن و خېیاڵمەنە مەنێنێ و سیما و میاچەماشا جیام نمازۊنە: فەرج بەگ، میرزاعبدولکەریم، عەزیز بەگ، حەمە بەیگزاد، کێخا عەزیز، لالۊ جامی، لالۊ مەولان، لالۊ عەودەو عوسمانی، لالۊ ئەسکەندەر، حەمەو جافربەگی، لالۊ عەلی محمد ئشناسیا بە لالۊ ئەلە کێخا حەمە عەزیز، لالۊ میران، حەمە سبحان، ئۊسا وسیەن (حسین)، حاجی مجید، کەریم بەگ، لالۊ حەمە عارف، حاجی حەسەن و حاجی زین الدین، کاک عەودڵا (مەڵا عبداللە)، فتاح بەگ، حاجی عبدالخالق خالقی، لالۊ حەمە لاو، لالۊ عەولخالق، لالۊ ڕەحیم لوفتالی، لالۊ عەودەو لالۊ محمەدی، حاجی کاکە خان، حاجی حەمەدئەمین، لالۊ ئۆلکەریموو فەتحڵا بەگی، مامۊ عەولقادر و حاجی عەودڵا، حاجی بەهادین و کاک محمەدوو دێدەشکۆفێ، حەمەشەرەفە، لالۊ حەمە شالە، لالۊ حەمەو جان اللەی و لالۊ کاکەبرا؛ لالۊ قالە و لالۊ صابێر و لالۊ کابێر و لالۊ عبدلحامد (حاجی ئەولحامێد)، لالۊ عەلی کەیکاوسی، لالۊ حەمەلاو، لالۊ حەمە طاهێر و کاک حەمە کەریم، کاک حەبیب، کاک حەمەو میرزا ڕەشید و کاک صدێق و کاک تەوفێق و کاک قادروو میرزا کەریمی و دەیان و سەدان پیا عالێ و ژەنە عالێ کە من هیشتای ۋیرم نییەنێ و شایەد نامېشا پی حاڵ و هەوانە نەیوە ئەو ڎهن و ویرم!
جە ژەنانە؛ مەتی حوری نسا، دێدە شکۆفێ دێدە ڕابێ، ئەدام، دێدە سەلما، مەتی سەدرییە، ئەدا سەلما، دێدە سوڵتانە، دێدە ڕابێ، مەتی شاهپەسند ، خاتوو شاهپەسەند کەریمی، مەتی سەراحی، مەتی پیرۊزێ، مەتی ڕابێعە، مەتی خۆرشید، مەتی ڕۊحی زاد، مەتی شاهبار، لالۊ ژەن نەجیبە، دێدە نەهیە، مامۆژەن حەیات، مامۊ ژەن نوری دێدە تەبێ، مەتی نەجاتە، دێدە شازێ، مەتی عەینا و چنها ژەنې عالێ و قسەوەشێ و ڕېک و پێکێ. ئیتر چېش واچوونە و چېش تان عەرز کەروونە.
بورهان ئەختەر.[1]