بە دەم هاروو بە لاشە بیمار
دەمی هار؛ دەمێ دژمان ورەش و پیس. پا کەسا ماچان هەکە بە دەم هارۍ و دژمان دەرۍ و دەم پیسېنۍ، پەلامارەو خەڵکی مڎان، بەڵام بە قسۍ و دژمانی، نەک بە دەسۍ و لاشە. ئا جۊرە کەسۍ تەنیا دەمشان هەن، ئیتر بە مێلو وېشان پەنەش پەلامارەو خەڵکی مڎان، بەڵام بەلاشە بیمارۍ و بۍ دەسەڵاتۍ، هېز و غیرەتو جەنگیشان نییەن. بڕێ جار بە کەسێ پاڵەوپاچی ماچان، کە هەر دەم یانەنە کۆتەن و قسۍ زلۍ مەکەرۊن، بەڵام یاگۍ وېشەنە قنگە نمەجووڵنۊن، فرە تەممەڵەن، هازەو هەرمانکەرڎەیش نییەنە، لەشش قورسەن. بڕێ جاریچ بە کەسێ ماچان هەکە یانەنە هەڕەشۍ مەکەرۊن ئەو خەڵکی، بە دەم گرڎچېو مەبڕۊوە، بەڵام کاتێ مزیۊرەو ملۊ بەرۆ مەرەجیۊ کەسێ تەرەن، هیچش جەدەس نمەی.[1]