هوٙرگیٛڵنای باوڕپەنەکریا کامەنە
نویستەی: #ناجح گوڵپی#
هوٙرگیٛڵنای باوڕپەنەکریا ئانە کە لاو کەسێوی باوەڕپەنەکریایوە مەکریوٙنە، یام لاو کومپانیایوە تومارکریای قانونی دۆڵەتیوە مەکریوٙنە. جە هەردوی باریٛنە کەسی هوٙرگیٛڵن هەن ئەچا کوٙمپانیانە، ئەژناسەش هەن (هەویە)، یانی فرە بەڵەدەن، هاگان، وریان جە یاساکانو هوٙرگیٛڵناینە، پەی هەرمان و کاری متاووٙ ئەشناسەکەیش برمانوٙ تا یاگیٛ باوڕو مەردمی ببوٙنە. ئی هەرمانیٛ بە تاکە کەسیی باوڕەپەنەکریاچ مەکریوٙنە، وەلێم ئەگەر چەنی کوٙمپانای ببوٙنە خاستەرن، چون شیٛوەی فەرمی و یاسایی هوٙرمەگیٛروٙنە. هەر وەڵاتێ یاسا و ڕاسای تایبەو ویٛش هەنش پەی دیاریکەردەی هوٙرگیٛڵنای باوەڕپەنەکریای، وەڵتەر مەشوٙ داوایێ پیٛشکەشو لایەنی پەیوەندی داری بکەروٙنەو تا ئەشناسە هوٙرگیٛڵنی باوڕەپەنەکریای باوەروٙنە. بڕێ وەڵاتیٛنە دەزگای تایبەو هوٙرگیٛڵنای هەن کە موٙڵەتی یاسایش هەن، ڕەنگە چندە دەزگایوە ببانیٛ، بڕێ یاگیٛچنە ئی دەزگا نیەن، بە تەشکێ تەر ئی هەرمانیٛ مەبەرانیٛ ڕاوە. ئاشکران ئی دەزگاییٛ ڕاگاو ڕاساو ویٛشان هەنشا کە وەڵاوکریاکەشانەنە باس کریان. ئەگەر توٙ گەرەکت بوٙنە بەڵگەنامێو هوٙربگیٛڵنی پەی زوانو ئینگلیزی، حەتمەن مەشوٙ بلینە یاگێوە، پەیمانگایوی باوڕپەنەکریا هەتا پەیت هوٙر مەگیٛڵنوٙنە، ئی یاگیٛ نامیٛشان لوێنە جەهاننە و یاگیٛ باوڕینیٛ سەرو حەنڎاو دلیٛدۆڵەتی، یام نویسگای ناوچەیشان هەن سەرو ئاستو جەهانی، گردە وەڵاتێنە هەنشان، بەسیێنیٛ دلیٛنەی سەرەکیشانوە کە هەن وەڵاتێ جەهانینە، پەی نمونەی جە بەریتانیا نویسگای سەرەکین و نویسگای لاوەکیشان هەن جە ئیراق و ئیران...هتد.
هوٙرگیٛڵنای قانونی Legalized Translation هوٙرگیٛڵنای قانونی مەشوٙ جەلایەنو هوٙرگیٛڵنیوە یام جەلاو دەزگای وەرپەرسیوە دڎانش نریابوٙ پوٙرە، یانی بە یاسا دڎانش بنیٛوٙپوٙرە، وەردەمو قازی یام دادوەر، دادنویسینە، پاریٛزنەرینەبە خەتی پەیت بنۋېسٙنە کڕەنویسش بکەروٙنە کە ئاڎی ئی نویستەشە هوٙرگیٛڵنان، یام بەپاو بڕیارێ هەکە وەڵتەر دریابوٙ جەلاو قانونیوە ڕاش پەنە دریابوٙ پەی هوٙرگیٛڵنای باوڕپەنەکریای.
هوٙرگیٛڵنای موٙرکریا Notarised Translation چی کاتنە بابەتە هوٙرگیٛڵیاکەی مەبەری پەی لاو دادنویسی چاگە پەیت موٙرە مەکروٙنە، سەرو بنەڕەتو ئانەی کە کابرای هوٙرگیٛڵن خوتانو ئەژناسە و بڕوانامەو هوٙرگیٛڵناین.
هوٙرگیٛڵنی باوەڕەپەنەکریا- خاسgood translator, Notarised translation
مەشوٙ لانیکەم بەڵەدو هەردوە زوانەکەی ببوٙنە فرە بە قووڵی، بەڵەدو زوانی و فەرهەنگی، بەڵەدو ڕازوان و ئەدەبیاتی، سەلیٛقەش وەش بوٙنە جە هونەرو هوٙرگیٛڵناینە، فرە ڕوٙشنویر بوٙنە جەگردو ویارەکانو فەرهەنگینە، شوٙنیەرە جە گردی گرنگتەر مەشوٙ کەسێ دەس و دەم پاک بوٙن، ئینڎا نمتاووٙ بە سەرکەوتەی هوٙرگیٛڵنای بپوٙڕنوٙن.[1]