‍ یاوەرنامیٛ نادیارە
نویسای: #ناجح گوڵپی#
بەشەی دوەمە
یاوەرنامیٛ نادیارە بەشە مەبوٙ پەی.
یوەم: یاوەرنامیٛ نادیارە پەی جیاکەردەیوە: زوانو هەورامینە دندێوەما هەنە (تەر، تەرە) وەلێ زوانو کوردینە(تر، کە، دی، دیکە، دن) وەراوەرو زوانو ئینگلیزی (other) و(الاخر)و عەرەبی.
خەیارێوی تەرم پەی بارە. ساویٛوەی تەرەم پەی بارە...نیٛر و ما.
خەیاریٛ تەریٛ مارانیٛ، ماران، مارا. ساویٛ تەریٛ مارانیٛ... کوٙ
موٙرفیمویچ ملوٙسەرش: قەڵەمێوی تەریچ مسانو. تاک
وەختو کوٙینە ی مورفیمەکەی گم مەبوٙ قەڵەمیٛ تەریٛچ مسانو.
ئتر کتیٛبی تەرو توٙم گەرەک نیەن. ئتر شعرەی تەرەو توٙم گەرەکە نیەنە.
یاگەگیرو نامە پەیوەسەکان، دەسەی یوەم مەلانیٛ سەرش مەبانیٛ بە بکەر:
سوٙبێوی تەرم سانا. سوٙبیٛ تەریٛما سانێ.
گاوێوەی تەرەت سانا.
گاویٛ تەریٛتا سانێ.
دەفتەرێوی تەرشا ئەسا.
دەفتەریٛ تەریٛشا ئەسێ.
یاگەگیرونامە پەیوەسەکان، دەسەی چوارەم مەلانیٛ سەرشان بە هامکاری نیشانیٛ کەردەوەی بیٛهاز ن:
من ئیسە کوڕیٛوی تەرنا. ئیٛمە ئیسە کوڕانیٛ، کوڕیٛ تەریٛنمیٛ.
توٙ ئیسە کناچێوەی تەرەنی. شمە ئیسە کناچیٛ تەریٛندیٛ.
ئیٛڎ ئیسە کوڕێوی تەرەن. ئیٛڎیٛ ئیسە کوڕانیٛوی تەریٛنیٛ-کوڕیٛ تەریٛنیٛ.
یاوەرنامیٛ نادیارەو جیاکەردەیۆ بە هامکاری یمەتاووٙ یاوەرنامیٛ تەرە هوٙربگیٛروٙ:
من گجیێوی تەری تازەی سیاو مسانو.
ئاد کەسێوی تەری بەخشندەی خاس مشناسوٙ.
مەشوٙ هاگاداریٛ بیمیٛ زوانو ئیٛمەنە دویٛ (تەر، تەرە) یٛما هەنیٛ، یوٙشا موٙرفیمو پلیٛ بەراوردین، مەلکوٙ سیفە (یاوەرنامیٛرە)، مەبوٙنە بە بەوٙێوە جەیاوەرنامەکیٛ. پسە(وەشتەر، وەشتەرە، بەرزتەر، بەرزتەرە، ژیرتەر، ژیرتەرە). وەلیٛم (تەر)ەکەی تەرشا یاوەرنامیٛ نادیارەنە بە هامکاری (ی) مەدریوٙ پالوٙ نامێوە. یانی نمەلکوٙ نامەکیٛرە، پسەو نمانەکاو لای سەری (کەسێوی تەر، هیچی تەر، کوڕێوی تەر، کناچێوەی تەرە، ژەنێوەی تەرە).[1]