دەمش ئاویش کەردە
کاتێ واردێوە وەش و تاسۊخ مەی وەرو چەما، یام خەریکەن پەی ئاماڎەکەردەی و یاوای پەنەی، ئیتر تەبېعەتو ئینسانی چامنەن ئەچا کاتەنە ئاوی مزیۊ دەمش، یام دەمش ئاوی کەرۊن، ئانەیچ پېوەسەن بە پېکئاماو مەژگ، هەم لاشەو ئینسانیۆ. بڕێ جار بە دیەی دیمەنێ وەش و سەرنج کېشی، یام هەر بە ئەژنەویەی باسو واردێوە، یام تاریفۍ یاگێوە، ئینسان وەشیېنە دەمش ئاوی کەرۊن. جاری چامنەیچ هەن بە تالېقۆ ماچیۊن، دۋۍ نەفەرۍ میانو وېشانە باسو چېوێ مەکەران، یام دۋۍ هەرزەکارۍ باسو کناچێ زەریفۍ مەکەران، کەسێتەر پاڵشانە مدران و گۊشش گېرتەن، یۊشان ماچۊ کورە وەسېن، ئا فەقیرە دەمش ئاویش کەردە.
زیاتەریچ بە وەرچەمکۆتەی، یام باسکەردەی میوێ تشی پېسە هەڵووچۍ دەم ئاوی مەکەرۊن.[1]