کورد دلۍ چەرخەکا تاریخینە
هۊرئەوەگېڵنای و ئاماڎەکەرڎەی: ئەسعەد ڕەشید
بەشۍ: یەرەسەڎ و شەسس و حۆتەمە
* مانگەو (01) ئی ساڵېنە، مەڵڵا مستەفاو بارزانی و چن ئەفسەرێ، دەسەو ئازادیشان وەشکەرد، پەی ئانەی سەرداری ژڵېوەو بارزانی بکەران.
* مانگەو (02) ئی ساڵېنە، مەرزنارەی پارتو ڕزگاری کورڎی جە پانیشتو کەرڎەسانی، بە دەسو چن کەسێ، کە ئینۍ بېنۍ: ساڵح حەیدەری، نافیع یونس، دکتۆر جەعفەر موحەمەد کەریم، نوری شاوەیس، نوری موحەمەد ئەمین، ڕەشید باجەڵان، تەها محیەدین مەعروف.
* مانگەو (02) ئی ساڵېنە، بەستەی کۊنگرەو یەکەمو پارتی ڕزگاری کورڎی جە بەغڎا، یانەو شەهید عەلی حەمدی.
* تاریخو (#10-04-1945#ز.) بەرشنیەی یاساو چەنەوەشبییەی گرڎین جە لاو داگیرکاری ئېراقیۆ، بەپاو ئا یاسێ ئا سەرباز و پۊلیسۍ کە پەی دلۍ شۆڕشو کوردەسانی هۊرئامێبېنۍ، نەگنېنۍ وەرو چەنەوەشبییەکەی.
* مانگەو (05) ئی ساڵېنە، پارتو هیوای، جە ڕاو باڵوێزو ئەمریکای (لوی هەندرسن) یاداشتێش کیاستە پەی ئەمریکای، تاکو لایێ جە گرفتو کورڎی بکەراوە.
* تاریخو (#01-07-1945#ز.) هونەرمەڼ کەریم کابان، ئېزگەو بەغڎای گۊرانییەو (ئەوبەرەوبەرە)یش تۊمارە کەرڎە.
* تاریخو (#06-08-1945#ز.) جەنگێ چەکداری میانو پېشمەرگە بارزانییەکا و داگیرکاری ئېراقینە قۊمیا، سەرو ئانەی کە داگیرکاری ئېراقی گەرەکش بۍ وانگێوە و بنکێ پۊلیسی دلۍ ناوچەو بارزانینە بکەرۊوە.
* تاریخو (#07-08-1945#ز.) چېرو فشارو هېرشەکانو داگیرکاری ئېراقینە، مستەفا بارزانی و ژمارێ فرۍ ئەندامۍ بنەیانەکەیشان کۊچشان کەرد پەی وەرکۆتو کوردەسانی.
* تاریخو (#08-08-1945#ز.) داگیرکاری ئېراقی قەرارو داگیرکەرڎەی ناوچەو بارزانیش دا.
* تاریخو (#08-08-1945#ز.) ئەسعەد خۆشەوی تەمامو بنکەکانو داگیرکاری ئېراقیش جە ناوچەو بارزانی بەرکەردۍ.
* تاریخو (#13-08-1945#ز.) تاکو (#15-08-1945#ز.) هېرشەو داگیرکاری ئېراقی پەی سەرو پېشمەرگەکانو بارزانی کریا، بەڵام مەڕیا.
* تاریخو (#16-08-1945#ز.) سەرو داواو پېشەوا قازی محەمەڎی کۊمەڵەو (ژ.ک) فاڕیا پەی حزبو دیموکراتو کوردەسانی.
* تاریخو (#19-08-1945#ز.) داگیرکاری ئېراقی فەرمانی عورفیش بانگدا بە سەرداری ژەنەراڵ ڕانتۆن، کە هېرشێ وەرفراوانەش پەی سەرو ناوچەو بارزانی کەردە.
* تاریخو (#20-08-1945#ز.) ئامای (200 تا 400) پېشمەرگا کوردەسانو وەرکۆتی پەی یاردیدای پېشمەرگەکا پانیشتو کوردەسانی.
* مانگەو (09) ئی ساڵېنە، بەرشییەی دما ژمارەو گۊڤارەو نیشتیمانی جە مەهاباد، کە ژمارە (9) بۍ.
* مانگەو (09) ئی ساڵېنە، پەی دوەمین جاری وەفدێ وەرکۆتو کوردەسانی جە کیانیایاو (حدکا) لوێ پەی (باکۆ)ی جە شوورەوی.
* سەرەتاو مانگەو (09) ئی ساڵېنە، چواردە هەزار سەربازۍ ئېراقی کیانیێ پەی ناوچەو بارزانی پەی هېرش کەرڎەی سەرو پېشمەرگەکا.
* تاریخو (#14-09-1945#ز.) مەحمووڎ ئاغای زېباری کە هەسوورەو مستەفا بارزانی بۍ، پەشتەو شۆڕشیش وەردا و پاڵشدا داگیرکاری ئېراقیۆ.
* تاریخو (#25-09-1945#ز.) تیپو پەنجەمو سوپاو ئېراقی بە یاردی تەیارە و تۊپخانا و هامکاری (300) جاشا جە خېڵو سوورچی و (500) جە خېڵو بەرواری، هېرششان پەی سەرو شۆڕشەکانو بارزانی کەرڎە، ناچار مەلا مستەفا و شۆڕشگېڕەکۍ پەی کەشو شیرینی پەناشان بەردە و چاگە کۆتې وەرگیری جە وېشان.
* تاریخو (#06-10-1945#ز.) بەرشییەی یەکەمین ژمارەو گۊڤارەو (هاوارو کورڎی) جە مەهاباد جە لاو کۊماریۆ.
* تاریخو (#07-10-1945#ز.) داگیرکاری ئېراقی تۊقەو ناوچەو بارزانیشدا.
بەشێ جە کتېبو (هاوڕێ نامە)، فاڕای پەی سەرو زوانی هۆرامی ئەسعەد ڕەشید.[1]