برا پەشتەو برایۆ، مەر قەزا لاو خوڎایۆ
نویستەی:
ئیبراهیم میکە عەلیئیبراهیم میکە عەلی
پەشتیوانی داوا ڕەوا نەتەوەییەکا گەلو کورڎی کەرو لای سەری و وەرکەوتو وەڵاتو سوریاینە و موازوو بتاوۊا ژیرانە چوارچۊ وەڵاتەکەیشانە مافە فەرهەنگی و نەتەوەییکاشا دەسبوزا و ئا دەسکۆتایچە پارێزنا کە ماوەو چواردە ساڵان دلې گێجاوەی ڕامیارەو وەڵاتەکەیشانە دەسشا وستێنێ و تاوانشا فرەو خاکەکەیشا و وېشا و ئەژمارېوە وەرچەم جە خەڵکەکەیشا ئەر بەکوللەمەرگیچ بییەبۆ تائیسە پارێزنا.
هەڵای زوون پەی گرەوکەرڎەی سەرو دماڕۆ وەڵاتێوە کە چواردە ساڵېن چېرو جەنگېوی وناڵینینە ناڵنۆ و ناوچېوە ئاڵۆزی پېسەو ئی ناوچەینە.
وەلێم بەدەر جە ئایدیۆلۆجیاتی ڕامیار، بییەی هېزێوە پېسەو هەسەدەی و ڕاوەبەرېوە پېسەو مەزڵوم کۆبانی یاگې ئومێدینێ بتاوا گەمەکەرې خاسێبا جە ئیسە و دماڕۆ ئا وەڵاتینە.
بەتاییبەت چا ڕوێوە کە زل هېزەکې وەرنیشتو دنیێ و ئەمریکا پەشتیوانێ و هامپەیمانېشانێ.
ژیریچ ئا کەسەنە کە کەڵک جە چەنەئامای وېش و کەمتەرین پەشتیوانی دۆسەکاش هورگېرۆ.
ئومێڎوارنا کاربەدەسێ هەرېمو کوردەسانیچ میانو داوا و تەماعەو ناحەزا لایێوە و داواو هامزوان و هاموەڵاتیەکاشا لایێوەتەرۆ، بە پارېزنای هامسەنگی، دوەمی هورچنا و پەشتی نەکەرا برا هامزوانەکاشا چوون ئا گێجەڵوکە کە جە هەرېمو غەززەو فەلەستینیۆ هورشکەرد و یاوا لوبنان و سوریا، شکەش نیەنەچەنە مېیاوۆ عێراق و ئێرانیچ و دورنیا بېیاوۆ تورکیایچ.
[1]