نەقشەو ئا دەگایا بە زوانی کورڎی هۆرامی قسێ کەرا
ئی نەقشە کاک ئاسۆ مەحموودی جە ئەنداماو تیمی پەیجۊری ئاسۆسافتی ڕېک وستەن. تیموو ئاسۆسافتی وەڵتەر چڼ پرۆژێ ئێژایش پېسەو تەبدیلوو دەنگ بە دەقی و دەق بە دەنگی پەی کورڎی سۆرانی ئەنجام دەینێ. ئیسەیچ خەریکېنې ئی هەرمانێ پەی کورڎی هۆرامی کەرایکەرا. نەقشەو سەریە پەی مەقالێوی بۊ کە قەرارا جە بارەو تەبدیلوو دەنگ بە دەقی هۆرامی جە یۊ جە ژورناڵەکاو بەرو وەڵاتیەنە بە زوانی ئینگلیسی چاپ کریۆ. جە هامڕایاو کاناڵەو تارېخو هۆرامانی داواکارېنمێ ئەر هەڵێو جە نەقشەکەنە شکە بەرا جە ڕاو ئێکاونتوو ئەدمینیۆ هاگادارێما کەراوە تاکو پەی پۊرەو ئامای نەقشەکەی ئێستفاڎەش چنە کریۆ. چنی دەسوەشی جە ئاسۆ مەحموودی و تیموو ئاسۆسافتی.
سەرنج: بېجگەم یاگە زەردەکا کە مەحدوودەو دەگا هۆرامی زوانەکان، چا یەرە شارەو دەوروو بەرو هۆرامانیە، یانې مەریوان، سنە و هەڵەبجە کە بە ڕەنگی وەنەوش دیاری کریەینێ و هەرپاسە کامیاران کە نەقشەکەنە بەرنەکەوتەن، ڕېژێوی فرە هۆرامی زوانێ مژیوا.
[1]