کورد دلۍ چەرخەکا تاریخینە
هۊرئەوەگېڵنای و ئاماڎەکەرڎەی: ئەسعەد ڕەشید
بەشۍ یەرەسەڎ و حەفتا و پەنجەمە
* ئامای دنیای عەبدوڵڵا ئۆجەلان، سکرتێرو پەکەکەی جە شانلی ئورفەی، سەرنیشتو کوردەسانی.
* کاکە زیاد، وازش جە ئەندامی پەرلەمانی ئېراقی ئارد.
* ئەچی ساڵېوە تاکو ساڵەو (1951ز.)، دمای چن زنجیرە وشکنایێ دلۍ دەگاو چەرمووی، نزیک بە چەمچەماڵی بە سەرپەرەشی (ڕ. ج. بریدووی) زانکۊ شیکاگوی ئەمریکی، کە یەکەمین و کۊنتەرین دەگا دلۍ تاریخینە ئېزیاوە، کە تاریخو کۊنیش مەگېڵۊوە پەی هەزارەو حۆتەمی وەڵۍ زایینی.
* قیمەتو تەنێ تەۋەنا مەڵکەڼی بە (100) فلسۍ و تەوەنی چەرمۍ بە (750) فلسۍ بېنۍ جە سلېمانی.
* گفت و گۊ میانو خولەپیزەی و هامڕاکاش چەنی پارتو هیوای جە کەشو سورکێوی، تاکو دلۍ پارتەکەینە ڕېکېشان بوزان، بەڵام هیچ ئەنجامێ خاسش نەبی.
* حدکا یەکەمین ژمارەو گۊڤارەو (ڕێگا) بەرشنی.
* داگیرکاری ئێرانی، غەنی بلوریانش بەڼ کەرد، نامبریا ئەندامێ باڵاو پارتەکەی بۍ.
* بەرشییەی ڕۊنامەو (ڕێگا) جە شارو مەهابادی، کە تەنیا یەک ژمارەش بەرشی.
* فایق بێکەسی شاعېر، ئەچی ساڵېنە کۊچی دمایینش کەرد.
* زەید ئەحمەد ئەفەڼی، جە قاهیرە نامێوەش بە نامۍ کۊششو کورڎی بە زوانی عەرەبی تۊمارە کەرڎەو بە دزیوە یاوناش کوردەسان.
* ئامای دنیای ئازاد مستەفا، سکرتێرو پاسۆکی جە دەگاو بارزانی.
* چن نیشتیمان پەروەرێ کوردەسانی، نەخشێ کوردەسانیشان پېشکەشو نەتەوە یۊگیرەکا کەرد.
* بەڼکەرڎەی عەزیزی یوسفی، ئەندامو باڵاو حدکا بە دەسو ڕژېمو ئێرانی.
* کۊچی دمایینو (خواجە کەریمی ئەلەکەی) جە شارو بەغڎای، نامبریا فەلێوە کلدانی بۍ و سەردەمو حکومەتو پاڎشانشینی کوردەسانینە شالیارو دارایی بۍ.
* ئەچی ساڵېنە، مەلا عەبدوڵڵا زێوەری شاعېر کۊچی دمایینش کەرڎەن.
* نماییشکەرڎەی شانۊنامەو (کۊششو ڕەنجدەرا) دلۍ وانگاو غازی جە سلېمانی، دماتەر داگیرکاری ئېراقی فرەو ئەکتەرەکاش زیڼانی کەردۍ.
* زیڼەکەرڎەیۆ ڕېکۋزیاکا حدکا بە دەسو غەنی بلوریانی، محەمەدی شاپەسەن، سەعید ناکام، قادری مەحموود زادە، عەزیز فەرهادی.
* پەنابەرۍ کورڎی جە پاریس، بنکێوە چەنەکۊڵیای کورڎیشان مەرزنارە، کە وەڵاکریێوە وېشانەی وېشانشان بۍ.
* پیرەمێرد، سروودەو نەوروزیش نیارە، محەمەد ساڵح دیلانیچ ئاوازەش پەی نیارە.
*تاریخو (15-01-194815-01-1948ز.) بەستەی پێمانو (پۆرتسمۆس) میانو ئېراق و ئینگلستانی، بەپاو ئا پێمانەیە هەرماون و کارو ئېراقی، بە بەشە بندەسەکەو کوردەسانیچشۆ، بە تەمامی وزیانە چېرو دەسا ئینگلیزی.
* تاریخو (16-01-194816-01-1948ز.) ئامای دنیای هونەرمەڼ حەمە ڕەشیڎ هەرەس جە شارو هەڵەبجەی.
* تاریخو (19-01-194819-01-1948ز.) سەعید عەلی حیجازی بی بە پارېزگارو سلېمانی.
* تاریخو (13-02-194813-02-1948ز.) دەسێ جە کوردەکانو ناوچەکانو هۆلېر و کۆیەی یاوێ شارو بەغڎای، پەی بەشداریکەرڎەی دلۍ وېنیشاندایەکانە دژو پێمانو پۆرتسمۆس.
* تاریخو (26-02-194826-02-1948ز.) دەسێ جە کوردەکانو ناوچەکانو سلېمانی کە ژمارەشان (300) کەسۍ بېنۍ یاوێ شارو بەغڎای، پەی ئانەی بەشداری بکەران دلۍ ناڕەزایەتیەکانە دژو پێمانو پۆرتسمۆسی.
* تاریخو (21-03-194821-03-1948ز.) پەی یەکەم جاری کوردەکانو پانیشتی بە تەرزێ فراوانە و ئاشکەرا یاڎو جەژنەو نەوروزیشان دلۍ شارو بەغڎای و شارەکانو تەرو پانیشتو ئېراقینە کەردۆ.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید.[1]