کورد دلۍ چەرخەکا تاریخینە
هۊرئەوەگېڵنای و ئاماڎەکەرڎەی: ئەسعەد ڕەشید
بەشۍ یەرەسەڎ و حەفتا و ششەمە
* تاریخو (
30-03-194830-03-1948ز.) بەرشییەی یەکەمین ژمارەو گۊڤارەو (نزار) جە بەغڎا، بە زوانی کورڎی و عەرەبی، کە عەلائەدین سوجادی دۋۍ حۆتۍ جارێ بەرش کەرۍ.
* تاریخو (
11-05-194811-05-1948ز.) جەمیل ڕەشید، بی بە جاگیرو سلېمانی.
* تاریخو (
18-05-194818-05-1948ز.) کۊچی دمایینو شېخ لەتیفی دانساز جە سلېمانی.
* مانگەو (06) ئی ساڵېنە، حەسەن فەهمی جاف بی بە کیانیاو هەڵەبجەی دلۍ ئەنجومەنو ئېراقینە.
* مانگەو (06) ئی ساڵېنە، شېخ عەبدولوەهاب تاڵەبانی پەی جاری یەرەمی بیۆ بە کیانیاو کەرکوکی دلۍ ئەنجومەنو ئېراقینە.
* مانگەو (06) ئی ساڵېنە، ئەمین ڕەشید ئاغا پەی جاری دوەمی بیۆ بە کیانیاو کەرکوکی دلۍ ئەنجومەنو ئېراقینە.
* مانگەو (06) ئی ساڵېنە، عەبدولحەمید بەگو جافی، پەی جارێ تەری بیۆ بە کیانیاو سلېمانی دلۍ ئەنجومەنو ئېراقینە.
* مانگەو (06) ئی ساڵېنە، خڎر ئەحمەد دزەیی پەی جاری دوەمی بیۆ بە کیانیاو هۆلېری دلۍ ئەنجومەنو ئېراقینە.
* تاریخو (
09-07-194809-07-1948ز.) کۊچی دمایینو تاریخنویسی گۆرەو کورڎی، محەمەد ئەمین زەکی بەگ جە شارو بەغڎای، دماتەر تەرمەکەش بریاوە پەی شارو سلېمانی و گرڎەو سەیوانی ئەسپەردە کریا.
* تاریخو (
29-08-194829-08-1948ز.) مەڵڵا مستەفای بارزانی و هەڤاڵە ئاوارەکېش، جە (باکۆ) ئازەربایجانیۆ فاڕیێوە پەی شارو تاشکەندی، پایتەختو ئۆزبەکستانی.
* مانگەو (09) ئی ساڵېنە، هیتیارەکۍ ناوچەکانو عەربەتۍ و شارەزووری جە پانیشتو کوردەسانی، دلۍ ژڵېوێ دەسەجەمینە دژو دەرەبەگەکا ناوچەکەی هۊرستۍ.
* تاریخو (
21-09-194821-09-1948ز.) داود سەلمان، بی بە جاگیرو سلېمانی.
* تاریخو (
19-10-194819-10-1948ز.) کۊچی دمایینو حاجی مەلا عەلی مەڵکەڼی جە سلېمانی، کاتو وېش کە مێجەرسۆن دلۍ بازارو سلېمانیرە گوزەر کەرۍ، ئەشیێ گرڎو خەڵکی دلۍ دوکانەکاشانە وەرش هورستێنێ، ئېڎ یەکەم کەس بۍ کە وەرش نەهورستۆ.
* تاریخو (
05-11-194805-11-1948ز.) نەجمەدین سائیب بی بە پارېزگارو سلېمانی.
* تاریخو (
10-11-194810-11-1948ز.) زێوەری شاعېر، کۊچی دمایینش کەرڎەن جە شارو سلېمانی، گرڎەو سەیوانی ئەسپەردەکریان.
* تاریخو (
12-11-194812-11-1948ز.) دڵداری شاعېر جە شارو هۆلېری کۊچی دمایینش کەرڎەن، هەر ئەچاگەیچ ئەسپەردەکریان، نامبریا خاوەنو شېعرەو (ئەی ڕەقیب)ین.
* تاریخو (
29-11-194829-11-1948ز.) کورد، یاداشتێش پېشکەشو کۊمەڵەو نەتەوەیۊگېرتەکا کەرڎە، چەربارەو چارەنویسیش.
* تاریخو (
18-12-194818-12-1948ز.) کۊچی دمایینو بېکەسی شاعېر جە شارو هەڵەبجەی، دماتەر تەرمەکەش ئاریاوە پەی شارو سلېمانی و ئەسپەدە کریا.
* ساڵەو (1949ز.) چن تۊمارێ پېوەس پی ساڵېوە ئینێ وەردەسەنە:
* گېڵایۆ ئەسعەد خوڎایاری – قادر شەریف جە پانیشتۆ پەی وەرکۆتی، ئەنجامەنە دلۍ مەهابادینە پۊلیسی دەسگیرکەرد، نامبریا ئەندامو حدکا بۍ.
* وەڵاکەرڎەیۆ کتېبو ڕازوانی کورڎی، بە زوانی کورڎی جە یەریڤان بە دەسو قەناتی کوردۆ، کە تاکو ئیسە چوار جارۍ جە ساڵەکانو (1949ز.، 1956ز.، 1960ز.، 1970ز.) چاپکریان.
* وەڵاکەرڎەیۆ کتېبو نەخشە تەوەنینەکانو مەڕەو (کوندۆک) بە زوانی ئینگلیزی بە دەسو تۆفیق وەهبی.
* ئەفسەرو کورڎی حوسنی زەعیم، کوودەتێوە سەربازییەش دلۍ سووریاینە کەرڎە و فەرمانڕەواییش دەس گېرت، بی بە سەرکۊمارو سووریای، حوسنی برازایچش ئەسپارا بە بنیاڎنیای کابینەو حکومەتی، بەڵام ئی کارەشە یەرۍ مانگېش خواینا و دژە کودەتێوەش بە فەرمانو (سامی حەناوی) کریا سەرەرە و گرڎشان دەسکوش کەردۍ.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید.
[1]