ئا ڕاو ڕەسمێ کە گرڎ ساڵېو هۆرامانەنە پەی زەماوڼەو پیری ملا ڕاوە
بەشەی یەکەمە
خەبەر
خەڵکو هۆرامانی جە قەڎیم¬ساڵانه و باخدارێ بییێنێ و دەوره و پیرشالیاریچ گرڎ کەس باخش بیەن و پیرشالیاریچ وېش ساحېبوو باخو وەزا بیەن. هۆرامانیێ باوەڕشا ئانەن کە پیرشالیار خەڵکش فێرو باخداری کەرڎەن و بڕێ سەنعەتە دەسیێ پێسه و توکڵ گېرتەو وەزا و چوتاشیش نیشانە دەینێ. باخەوەزو پیرشالیاری بەڼەن بیەن و سەمەرو وەزەکاش خەرجو ڕاوڕەسم و یاساو وېش کەرڎەن. وېرەگاو پەنجشەممەو حەفتەو ئەوەڵو مانگەو ڕابڕانی، سەمەروو باخەوەزەکەو پیرشالیاری کە دەورانوو وېشەنە، وېش گلێرش کەرېوە و ئیسەیچ زەیرەوانەکېش جەمش کەراوە، بەینو یانە بە یانەو هۆرامانینە بەش کریۆ. ئی بەش کەرڎەیەو وەزا، خەبەردایەن بە خەڵکو هۆرامانی پەی ئانەی ڕاوڕەسم و یاساکاو پیرشالیاری بەرا ڕاوە.
ڕەئووف مەحموودپوور، خەبەری دوې ویارېوە شیکاری کەرۊ:
1-مەبەس جە خەبەری، هەمتەر ئامای عەیدوو پیری و دەسپنەکەرڎەی ڕا و ڕەسموو عەیدی بییەن.
2-بە ئی هەرمانێ، پیر، هەر ئا چېوە کە بیەنش (وەزی) بەینو خەڵکیەنە بەششا کەرۊوە و مزانی ئامای فەسڵوو وەهاری و تەمام بییەی فەسڵووو سەرڎای و سەختی بە مەردمی بیاونۆ.
ئیبراهیم شەمس.[1]