فیلۆسۆفی فەرەنجی
نویستەی: #ئاکۆ مارانی#
دە ساڵۍ زییاتەرا بابەتېۋەم چەبارەو فیلۆسۆفی فەرەنجی نۋیستېنە، هەر جارېۋ، کە من گەرەکم-بییەن، بابەتەکۍ ۋەڵاکەرووۋە، یاۋەرېۋ، دۊسېۋ، ئاشنێۋ ۋینەو وېش بە فەرەنجېۋی ئاۋەڕوبریاۋە نېیانەرە و پېسەو قەمسەڵەی و پاڵتاۋی فەرەنجییەکەش ۋستەن سەرو شاناش، یان بەس قوڵېۋش کەرڎەنەنە!
بەداخۆ، بڕېۋ چا کەسا وېشا بە دڵسۊزۍ ۋەڵینەو کولتوورو پەشتۊ فەرەنجی نامۍ بەرا، بەڵام هەر ئېڼەو بەگلەرا (بەگە ڕووتا) چە فەرەنجی یاۋێنېنە!
فەرەنجی لاشانەو تۊ، بەڵۍ تۊ! ئاۋەزو (ژیرلەومەرۍ)نە پرسیارېۋە ورووژنۊ:
یان درۊسکەرە یەکەمەکۍ فەرەنجی نەزانۍ بېیېنۍ و نەزانانشا، کە فەرەنجی یەک-قۊڵ درۊسکەرا، یان تۊ چە فیلۆسۆفی فەرەنجی نەیاۋانینە!
فەرەنجی لاشانی یەنگۆکەرڎەی پاڵتاۋو سەرو شانەو دەسەڵاتدارە سەفەوی و ئوسمانییەکان چە لایەنو بەگلەرە هۆرامەکاۋە نماییش بە دېیاردە کریان، کە کرېگیریێ ئیمپڕاتۆری سەفەۋی و ئوسمانی بېیېنۍ!
ئایا تۊ مزانی خەریکو چېشینی و گەرەکتا چ پەیامېۋ پەی بەرو هۆرامانی کېیانی؛
- نەزان-نیشانداو درۊسکەراو فەرەنجی؟
- یان بەرۋستەی نەزانی وېت.[1]