کورد دلۍ چەرخەکا تاریخینە
هۊرئەوەگېڵنای و ئاماڎەکەرڎەی: ئەسعەد ڕەشیدئەسعەد ڕەشید
بەشۍ: یەرەسەڎ و هەشتاهەمە
* قڵیشێ دلۍ پارتو دیموکراتو کوردەسانینە جە پانیشتو کوردەسانی ڕوەشدا، کە بیۍ بە دوۍ باڵۍ، یۊشان باڵو میانی بە سەرداری ئیبراهیم ئەحمەدی و ئەوی تەرشان بەرەی وەڵکۆتە بە سەرداری هەمزە عەبدوڵڵای.
* ئامای دنیای موزیکزان، نازم عەلی جە شارو کەرکوکی.
* بەرشییەی ژمارە (1) گۊڤارەو ئافرەتەی ئازاڎە جە شارو سلېمانی.
* تاریخو (30-01-195230-01-1952ز.) کۊچی دمایینو شاعېر، بەختیار زێوەری.
* تاریخو (28-02-195228-02-1952ز.) موزاحیم ماهیر، بی بە پارېزگارو سلېمانی.
* تاریخو (30-03-195230-03-1952ز.) بەستەی دوەمین کۊنگرەو پدک جە شارو کەرکوکی.
* تاریخو (01-05-195201-05-1952ز.) حدکا جە شارو مەهابادی، بە بۊنەو ڕۊ جەهانی هەرمانکارا، گلېرۆبییەیێ نیمە ئاشکەرا و نیمە دزیش خېزنا، ئەچا گلېرۆبییەنە نزیکەو (500) کەسۍ بەشداریشان کەرد، ئاکامەنە هېزەکانو داگیرکاری ئېرانی تۊقە دێ، بەڵام هیچ نەقۊمیا.
* تاریخو (11-07-195211-07-1952ز.) کۊچی دمایینو مامۊسا محەمەڎ عەلی عەونی جە قاهیرە، دلۍ تەکیەو شېخ مغاوری جە جەبەل موقتەم ئەسپەردە کریا.
* تاریخو (30-09-195230-09-1952ز.) بەرشییەی ژمارە (89) ڕۊنامەو هۆلېری، ئەچی ژمارەشۆ حوسەین ڕەشوانی بی بە سەرنویسەرش.
* تاریخو (06-11-195206-11-1952ز.) گۊرانی شاعېر، بی بە ڕاوەبەرو ڕۊنامەو ژینی.
* تاریخو (21-11-195221-11-1952ز.) مامۊسا عەلائەدین سەجادی جە نویستەی کتېبو (تاریخو ئەدەبی کورڎی) بییۆ و هەر ئەچی ساڵېچەنە چاپ کریا.
* تاریخو (15-12-195215-12-1952ز.) ئامای دنیای شەماڵ عەزیز عەبدولڕەحمان (شەماڵی عەزەی خەجۆ) جە سلېمانی.
* ساڵەو (1953ز.) چن تۊمارێ پېوەس پی ساڵېوە ئینێ وەردەسەنە:
* ئېستەیۆ پێکەرو شش مانگەو نیاندەرتاڵی، دلۍ مەڕەو شانەڎەرینە.
* گەنجەکۍ مەهەبادی و ناوچەکانو دۆروبەریش، دلۍ باخو مکایڵینە گلېرۆبییێ گۆرەشان سازنا و ئاهەنگشان کەرد، بە بۊنەو ڤیستیڤاڵو چوارەمو لاوا جەهانیۆ.
* ئەچی ساڵېنە، غەنی بلوریان ئامان پەی پانیشتو کوردەسانی، تاکو پېوەڼی چەنی کۊششکارا ئاگەیە ببەسۊن.
* کۊچی دمایینو شېخ مارف شېخ ئەمین قەراخی جە سلېمانی.
* کۊچی دمایینو ئەحمەڎ فایەق (فایقو تاپۊی).
* ئامای دنیای هۊرگېڵن (عەبدولکەریم محەمەڎ سەعید) جە شارو پێنجوێنۍ.
* دەسگیرکەرڎەی حوسێنی زەڕنگەران بە دەسو داگیرکاری ئېرانی.
* نماییش کەرڎەی شانۊنامەو (کوڵۆڵان) جە لاو وانکارا ئاماڎەیی شەوانەی سلېمانی، کە ئاماڎەکەرڎەیش کامەران موکری بۍ.
* خېزیای و هۊرستەی هیتیارە دزەییەکا جە ناوچەو هۆلېری.
* پەی یەرەم جاری (مەم و زین) جە شارو هۆلېری بە زوانی کورڎی چاپ کریا.
* هونەرمەڼی گۊرانیواچ محەمەڎی ماملێ، دەسش کەرد بە گۊرانی واتەی.
* ئامای دنیای شاعېرە خاتوو (ئەڎاو جوانۍ) دلۍ دەگێوە وەرنیشتو کوردەسانینە.
* مانگەو (01) ئی ساڵېنە، خڎر ئەحمەڎ دزەیی، بی بە کیانیاو هۆلېری دلۍ ئەنجومەنو ئېراقینە.
* مانگەو (01) ئی ساڵېنە، حەسەن فەهمی جاف، بی بە کیانیاو هەڵەبجەی دلۍ ئەنجومەنو ئېراقینە.
* مانگەو (01) ئی ساڵېنە، ئەمین ڕەشید ئاغا بی بە کیانیاو کەرکوکی.
* مانگەو (01) ئی ساڵېنە، عەبدولحەمید بەگو جافی، بی بە کیانیاو سلېمانی دلۍ ئەنجومەنو ئېراقینە.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید.[1]