ڕاوەبەردەی مەراسیمو پیرشالیاری
بەڕاوەبەردەی مەراسمو ڕەسەنو دێرینەو زەماوەندو پیرشالیارو هۆرامانی، مشۊ پی شێوە بلۊڕاوە ، نەک بە حاڵکەرڎەی دەروېشا و نامبەردەی بەعزێ کۆلکە شێخا و ڕکلام وبانگەوازکەرڎەی بە گۊرانیەو، گجیەکەت هەریرا، و سینەچاک کەرڎەی و شەڕە پڕچ کەرڎەی!
هەقنیا دەرفەت بە پەیڕەوا هیچ مەسلەکې دریۆ
(نەقشبەندی، قادری ، بەرزنجی، حسامی و ..... کە چی ڕاوڕەسمو زەماوەندو پیرینە، ڕکلام و نمایشتو تاییبەتتی وێ نیشان دا.
ئەر ئەقڵ و ئاوەز بۊ خەڵکو ئی لا و ئۆ لای کە چی مەراسیمە ملا هۆرامان مشۊ تماشاکەرا و گۊشگېرا و چیو فێربا نەک بلا ئاگە و بەنمایش کەرڎەی تەبڵیغو ئەقیدە و مەسلەکی کەرا!
مەبۊ خۆڵکو هۆرامانی ئی تەسەڕۆفات و وێ هۆرقۆڵتنایە و نمایشتا قەبوڵ کەرا، هەرکەس و لایەنێ بەشداری ئا مەراسیمە ڕەسەنە دێرینەی کەرۊ مشۊ زەرفییەتو ئانەیش بۊ ڕېز چا مەراسیمی گېرۆ و تاو چنی مۆدیریەتو ئامادەکارو ئا جەژنێ وېش گونجنۆ و هەماهەنگ بۊ، نەک بە حۆکمو
(شاڵی من و شاڵی خان) وېش برمانۆ و بە مەیلو وێ پواز چا مەراسیمە دیرینەی بڎۊ.
ئەحسەن نەقشبەندی.[1]