دەردەو چېردەسەیی
کاتو زاڕۊڵەییمەنە بەچە مریچڵۍو فشەکڵاونۍو زەردەوەلی ئارېنێ یانەو شەوۍ دماو وتەی من، بەڕەحمەتەبۊ ئەڎام بەچکە مریچڵەکا وەردۍ و واچۍ بۊ باحکایەتێت پەی گېڵنوە:
قېخاو دەگێوە، بوڵ بوڵێ دەنگ وەش کەرۊ قەفەسێ پەی کوڕە بەهانەگیرەکەیش، ئیتر شەو ڕۊ ئی بەسەزوانە وانۆو دانەی کەمە وەرۊ، ڕوێ شوانێوە چڕۊ ماچۊ تۊ دەرەو دەشتی فرە کەری و باڵدارۍ وینی بزانە ئی (بڵبڵ)ە چی دەم نمەنیۊ یۆو کەم دانەیچ موەرۊ بزانە دەردەش چېشەنە، شوانەی ژیربۊو سەرنجە مڎۊو دڵو وېشەنە ماچۊ فرسەتا با ئی خەیرۍ کەرو، ماچۊ جەنابو قېخای ئی جۊرە ئاوازە داواو وەتەنیش کەرۊ (چڕۊ ئای وەتەن ئای وەتەن......) قېخایچ کوڕەکەیش ڕازی کەرۊ هەکە وەرش بڎا، کوڕەیچ ڕازی بۊ و ماچۊ بەڵام تاتە ئەشۊم گنمۍشۊنیش بزانمۍ کامەنە ئاوەتەنە جەیانەو ئېمە وەشتەرا، بەڵێ وەرش مڎاو دورو نزیک تایاوۊ سەرو دۊڵاوۍو کوچێ ئاوی موەرۊوەو بەئاوازێ ساز تەر مەچڕۊ موانۊو هام جنسېش کۊ باوە دەورش،
دماو تەماشەکەرڎەو ئی دیمەنەیە پاشا کوڕەکەیش یاونۊنە ئیساولا مریچڵۍو گیانەوەرۍکەشیۍ دیل و یەخسیر نەکەرۊ.
مەهدی مەیکە عەلی.[1]