نامې: وریا
نازنام: وریا حەمەکەریم
نامۊ تاتەی: حەمەکەریم
ساڵۊ پېڎابییەی: 1987ز.
ڕۊ مەرڎەی: #06-02-2025#ز.
یاگۊ پېڎابییەی: #هەڵەبجە#
یاگۊ مەرڎەی: #عەربەت_ سلېمانی#
$ژیۋاینامە$
ڕۊنامەنویس و میدیاکار، وریا حەمەکەریم، ئەشناسیا بە نامې یەرەییەش، ساڵەو (1987ز.)، ساڵې وەڵې کیمیاوانو شارو هەڵەبجەی ئامان دنیا، تاقانەو ئەڎا و تاتەیش بییەن، هەڵای تەمەنش چن مانگێ بییەن تاتەش بە دەسو ڕژېمو بەعسی زیڼەبەچاڵ کریان، وریا کاتێ چەمېش ئەپی دنیا جەنجاڵې هۊرئامێ شارو هەڵەبجەی دلې تەم و مژو جەنگێ یانەوېرانکەری ناوچەیینە ڕۊشناییش گوم کەرڎەبې. هەڵەبجە پېسە ناوچێ سەرحەیی چەنی هەر گرژیێ ڕامیاری میانو دۆڵەتە داگیرکارەکانە کۆتەنەنە چېرو پۊساڵا داگیرکاراو بە ناپاڵم و خومپارې خەڵکەکەش قەتڵ و عام و دەربەدەر کریان. سەروەختو پېڎابییەی وریای شارو هەڵەبجەی تاریکایی جەنگو هەش ساڵەو میانو ئېراق - ئېرانی پۊژنابېرە، چەنی ئامای دنیا وریای، فرەش نەبەرد هەڵەبجە کۊت چېرو پەیا پاسدارا ڕژېمو ئېرانی و داگیرکریا. ڕژېمو بەعسی جە کاردایۆ ئا کەرڎەیەنە بە ناپاڵمې پەڕ خەردەلې و گازی کیماییې مەرگێ خېراش وارنا ملشەرە، وریا پېسە تەمامو زاروڵە ساواکا هەڵەبجەی بېبەش نەبی جە وەرکۆتەی ئا چەکە کوشڼەیە، بەشێ جە قۆم و قیلەکەیش شەهیڎې بیې و ئاڎیچ زامڎار بی. دمای ئاوارەبییەی چن ساڵەی، دماجار چەنی ئەڎێش گېڵێوە پەی شارە وېرانەکی، بەڵام ئا گرڎ نەگبەتیې و دەردیسەریې نەتاواشا زاروڵەکا هەڵەبجەی بە یەکجاری خنیکنا و نائومېڎېشا بکەران، پەوکەی چەنی زاروڵا هەڵەبجەی لوانە دلې وانگای و قۊناغەکې وانایش بە سەرکۆتەیی بڕیې، دماجار بە حەزو وېش و پەی هۊشییارکەرڎەیۆ خەلکی دلې سۆشییال میدیاینە وېش ئېستۆ، پېسە پېخامکیانەرێ و پېشکەشکارێ سەرکۆتەی یاگە دەسش بە زوویی بەرکۆت. نیشاندای گرفتەکا خەڵکی و گېڵای شۊنەو چارەیشارە، بەرۋستەی گەڼەڵیەکا دەسەڵاتدارا و گەڼ وەرا، بە مەرامو مەحکەمکەرڎەی سیستەمو ڕاوەبەری کورڎەسانی و فەراهەمکەرڎەی ژیوایێ خاستەری پەی خەڵکو کورڎەسانی. وریا حەمەکەریم دلې کەناڵە ئاسمانییەکانە پەی ماوەرو دواڼزە ساڵا خزمەتش ئەپا مەرامیشە کەرد، بەڵام چەنی داخې، ساعبانەو (06-02-2025ز.) کاتو گېڵایۆش پەی شارو سلېمانی پەی پۊڕنای کارێ میدیای، سەرو ڕاو عەربەت _ سلېمانی, بە مەرامو یاردیدای کەسێ کە سەیارەکەش پەکەش کۆتېنە، بە نییەتو چارەکەرڎەو گرفتەکەیش، دەسو یاردیش پەی بەرۊن، بە قەدەرو خوڎای بارهۊرگیرێ مەرگی نیشۊ ملشا و گیان مسپارا، لاشەکەش بە مەراسیمێ شکۊمەڼانە بریاوە پەی زاڎگاو وېش، شارو هەڵەبجەی، ئەچاگە بە خاکیشان ئەسپارا.
وریا حەمەکەریم ماوەو ئا ساڵانە کە دلې دنیاو سۆشییال میدیاینە هەرمانەش کەردېنە، چڼیین بەرنامې سوودبەخشېش یاونێنې دلې یانەکا، دلې بەرنامەکاشەنە ئەشناسای بەشێ فرەو دەگایەکا و شارەکڵا و ناوچەکانو کورڎەسانیش پېشکەشو وینەرا کەرڎەن، ئاشنێش کەردېنې بە داب و نەریت و باوەکاشا، چەنی ئانەیچە وەشیێ و فەرەحێش وستېنە دلې دڵو وینەرەکا.
پەی ئی مەرگە خەفەتبارەیە، ئاوێنەی خەیاڵ ماچۊ:
مەرگی وەهام قەت نەدیبوو
چ مەرگێ بوو، هەمووی گریا
کوا مەرگ لەوە شانازی تر
سەد خۆزگە من بام لە بریا
سەفەری وا سەختە و گران
خۆزگە ئێستا، خۆت دەتبینی
بۆ کۆچەکەت، نیشتمانت
سەرانسەر بووە، ماتەمینی
بۆت خەمبارن گەورە و بچوک
هیوای بێ نازی تاقانە
خۆشەویستیت، بە جۆرێکە
دووری زەمین و ئاسمانە
بۆ ئازیزان، زۆر گریاوم
کۆچەکەی تۆش گریاندمی
ئاخ و داخ بوو خەبەری وا
لە ناخەوە، هەژاندمی.
ئەسعەد ڕەشید.[1]