کورد دلۍ چەرخەکا تاریخینە
هۊرئەوەگېڵنای و ئاماڎەکەرڎەی: ئەسعەد ڕەشید
بەشۍ: یەرەسەڎ و هەشتا و ششەمە
* وەڵاکەرڎەیۆ کتېبو (نەریتو کورڎی پەشتەو کەفکاسی)، بە قەڵەمو ئەمینی ئەڤداڵی جە یەریڤان.
* وەڵاکەرڎەیۆ فەرهەنگی ڕووسی – کورڎی جە مۆسکۆ، بە قەڵەمو چ .خ. باکایێڤی.
* وەڵاکەرڎەیۆ فەرهەنگی ڕووسی – کورڎی جە سۆڤیەت، بە قەڵەمو ئی. ئۆ. فاریزۆڤی.
* بەرشییەی کتېبو خۊڼەواری بە زوانی کورڎی جە بەغڎا، بە قەڵەمو جەمال نەبەزی.
* بەشداریکەرڎەی یەکیەتی لاوا و وانکارا کوردەسانی سەر بە پارتو دیموکراتو کوردەسانی جە فیستیڤاڵو لاوانی و وانکارا مۆسکۆی.
* مەرزنارەی پارتو دیموکراتو کورڎی، جە وەرنیشتو وەڵاتی، بە سەرداری نورەدین زازای، ئەندامە بەرزەکېچش عوسمان سەبری و حەمید دەروېش بېنۍ، وایەو ئی پارتەیە سەربەوېیی گرڎو کوردەسانی بۍ.
* ئامای دنیای شاعېر و هونەرکارو کورڎی دلاوەر میقری جە دیمەشق.
* ئامای دنیای هونەرمەڼی پێکەرتاش هادی زیائەدینی جە شارو سنەی.
* تاریخو (#01-01-1957#ز.) مەرزنارەی پردەو تەقتەقی سەرو دەرەی گولانەی (زێی بچووک)یۆ.
* تاریخو (#16-04-1957#ز.) مەرزنارەی تیپو (برسی) پەی فتبۊڵانۍ جە شارو سلېمانی.
* تاریخو (#22-04-1957#ز.) دەروېش عەبدوڵڵا یەکەم و تاقە کاسێتەو وېش یانەو مەحوی جە شارو سلېمانی تۊمارە کەرڎە.
* تاریخو (#18-05-1957#ز.) عەبدولموتەلیب ئەمین ئەلهاشمی، بی بە پارېزگارو شارو سلېمانی.
* مانگەو (07) ئی ساڵېە، ئامای دنیای هونەرمەڼ جەمالی موفتی جە شارو مەهابادی.
* تاریخو (#05-07-1957#ز.) هۊرچنیەی دەسەو ڕاوەبەردەی کۊمەڵەو هونەرە جوانەکانی جە شارو سلېمانی، ئەنجامەکەش پېسنە بۍ: کۊمیتەو ئەرمانای ئینۍ بېنۍ (ڕەفیق چالاک، نوری وەشتی، ڕەئوف یەحیا، تەها خەلیل و نامیق محیەدین)، کۊمیتەو موزیک و گۊرانیا ئینۍ بېنۍ (قادر دیلان، ولیەم یوحەڼا، بەهجەت ڕەشید، نەجات عەبدە، حاتەم سەعید و هادی عەنبەر)، کۊمیتەو نیگاری و هۊرکۊڵنای (جەمال بەختیار، خالید سەعید، ئازاد شەوقی، شېخ مستەفا شېخ ئەحمەڎ بەرزنجی و سەعید موحسین سەعید سەمین)، کۊمیتەو ئەدەبی (حەمەساڵح دیلان، مستەفا ساڵح کەریم)، دەسەو ڕاوەبەردەی گرڎینی (ڕەفیق چالاک _ سەرۆک، ڕەئوف یەحیا _ جاگیر، بەهجەت ڕەشید، نامیق محیەدین، جەمال بەختیار، خالید سەعید، نووری وەشتی و ولیەم یوحەڼا پېسە ئەنداما ڕاوەبەردی).
* تاریخو (#17-08-1957#ز.) چن سەرکەردێ لقو کوردەسانی حیزبو شوېعی عېراقی، چانېشا کەمال فوئاد و ساڵح حەیدەری و حەمید عوسمان، لوێنە دلۍ پارتو دیموکراتو کوردەسانی.
* تاریخو (#18-10-1957#ز.) ئامای لاوە(لافاو) گۆرەکەو شارو سلېمانی، ئەنجامەنە سی و هەشت تاکو چل کەسۍ خنیکیێ و زەرەرو نیم ملیۊن دینارا ئا کاتەیە و (74) یانۍ هاموەڵاتییا وڕێ و نزیکەو سەڎ یانا زیاتەر ئاویشا لوانە.
* ساڵەو (1958ز.) چن تۊمارێ پېوەس پی ساڵېوە ئینێ وەردەسەنە:
*هادی ڕەشید چاوشلی، بی بە پارېزگارو سلېمانی.
* دەسگیرکەرڎەی غەڼی بلوریان و عەزیزی یوسفی بە دەسو ڕژېمو ئېرانی، تاکو ساڵەو (1976ز.) زیڼانەنە مەنێ.
* پارتی دیموکراتو کوردەسانی، بی بە ئەندام دلۍ بەرەو نیشتیمانی ئېراقینە.
* ئازاڎکەرڎەی غەڼی بلووریانی، بەڵام ئاڼەش نەخواینا گېرتشاوە.
* ئامای دنیای هونەرکاری گۊرانیواچ، نەجمەدینی غوڵامی جە شارو سنەی، وەرکۆتو کوردەسانی.
* بەرشییەی گۊڤارێ جە شارو دیاربەکری، بە نامۍ وەڵاتی وەڵکۆتە بە سەرپەرەشتی موسا ئەنیر و جانب ئوڵدروم.
* قەنارەدای سەعید قەزاز، بە دەسو ڕژېمو قاسمی، نامبریا شالیارێ کوردو سەردەمو پاڎشایی بۍ.
* هونەرکار و سینەمایی گۆرەو کورڎی یەڵماز گۆنای، خەڵاتێ سینەماییش جە شارو گرۆتۆبل وەرگېرت.
* کۊچی دمایینو شاعېر، ڕەحیم کاکەیی.
* تەمامیای وەربەسو دووکانی سەرو دەرەی گۊلانە (زێێ بچووک).
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید.[1]