تۊرک و دەسەڵات جە ئېرانەنە
تۊرکە ئازەریەکۍ، کە دلۍ کوردینە بە (عەجەم) ئەشناسیێنۍ، بە تولوو ویەردەی جە وەڵاتو ئېرانینە سەنگێ قورسەی دەسەڵاتداری و دارایی و ڕامیارییشان بیېنە.
دۆڵەتی سەفەوی تورکەکا مەرزنارە، کە دەسەڵاتی دارایی و ئیداری فرەش دەسو ئاڎیشاوەبۍ، دماتەر بېجگە ماوێ کوڵی کە دەسەڵات کۆت دەسو (بنەماڵەو زەندی)، ئیتر هەر دەسەڵات دەسو خېڵەکا ئەفشاری و قاجاریەکانە بییەن، کە ڕەگەزشا تۊرکەن.
دیسان دەسەڵاتو مەغۆلەکا و هۆلاکۆ و دماتەر تەیمووری لەنگ کە تورکۍ بیېنۍ و دەسەڵاتشان بییەن . دماتەر قاجارییەکۍ پەی ماوەو سەڎێ زیاتەری حوکمو ئېرانیشان کەردەن تاکو ساڵەو (1925ز.) ئامای ڕەزا پەهلەوی.
ئیسەیچ جە کۊ هەشتاو پەنج (85) ملیون نفوسەو ئېرانی، زیاتەر جە سی و پەنج ( 35) ملیون هاموڵاتیۍ تورکۍ ئېرانەنە مەژیوان.
ئەسعەد ڕەشید.[1]