کورد دلۍ چەرخەکا تاریخینە
هۊرئەوەگېڵنای و ئاماڎەکەرڎەی: ئەسعەد ڕەشید
بەشۍ: یەرەسەڎ و هەشتا و حۆتەمە
ساڵەو (1958ز.):
*مەرزنارەی کتېبیانەو (ئازادی) جە شارو سلېمانی بە سەرپەرەشتی محەمەڎ ڕەسوڵ هاواری.
* مەرزنارەی کتېبیانەو (خەبات) جە شارو سلېمانی بە سەرپەرەشتی بەکر جاهیدی.
* مەرزنارەی کتېبیانەو (ویری تازە) جە شارو سلېمانی بە سەرپەرەشتی نەوزاد نووری.
* سەرو ڕائەسپارەو شارەوانی سلېمانی قیمەتو گۊشتی پی تەرزە زیاڎکریا: کیلوێ گۊشتو مەیۍ (160 فلسۍ)، کیلوێ گۊشتو بزۍ (140فلسۍ)، کیلوێ گۊشتو گاۋۍ (120فلسۍ).
* کۊچی دمایینو شاعېر، شېخ نووری شېخ ساڵح جە شارو سلېمانی.
* بەپاو ئامارو ئی ساڵۍ: جە وەرکۆتو کوردەسانی سەڎەنە پەنجا و هەشتو نیشتەجایا، دلې دەگایەکانە ژیوێنۍ، کە یەرۍ ملیۊن کەسۍ بیېنۍ، چانېشاچە سەڎەنە (32) کاری بەرهەمداریشا کەرڎەن، سەڎەنە (15) نیشتەجایەکا، واتا نیم ملیۊن کەسۍ دلۍ شارەکانە ژیوێنۍ، چانېشاچە سەڎەنە (30)، واتا نزیکەو (150000) کەسېشان کاری پیشەسازیشان کەرڎەن.
* پەی یەکەمین جاری هونەرمەڼ حسێن عەلی چن گۊرانیێش دلۍ ڕادوینو کورڎی بەغڎای وېڕاس پېشکەش کەردۍ.
* ئامای دنیای حاکم جەمال حەمەدەمین.
* تاریخو (#02-01-1958#ز.) کۊمەڵەو خوڼکارا کورڎی جە لەندەن نامێوە پەشتگیریش پەی بارزانی کیاستە.
* تاریخو (#14-02-1958#ز.) یۊگېرتەی فیدراڵی ئېراق و ئەردەنی.
* مانگەو (05) ئی ساڵېنە، هەسەن فەهمی جاف بی بە کیانیاو هەڵەبجەی دلۍ ئەنجومەنو ئېراقینە.
* مانگەو (05) ئی ساڵېنە، خڎر ئەحمەڎ دزەیی بی بە کیانیاو شارو هۆلېری دلۍ ئەنجومەنو ئېراقینە.
* مانگەو (05) ئی ساڵېنە، زەید ئەحمەد عوسمان بی بە کیانیاو شارو هۆلېری دلۍ پارلەمانو ئېراقینە.
* تاریخو (#19-05-1958#ز.) ئەحمەڎ موختار بابان، بی بە سەرشالیارگاو ئېراقی.
* مانگەو (06) ئی ساڵېنە، هەرمانوستەی بەشو کورڎی ڕادوینو قاهیرەی.
* تاریخو (#14-07-1958#ز.) کۊدەتاکۍ عەبدولکەریم قاسمی جە ئېراقەنە کریا، بی بە مایۍ وڕای ڕژېمو پاڎشایی.
* تاریخو (#15-07-1958#ز.) هۊروەشنایۆ یۊبییەی فیدراڵی میانو ئېراق و ئەردەنی بە فەرمانو عەبدولکەریم قاسمی.
* تاریخو (#16-07-1958#ز.) بە وەشی وڕای ڕژېمو پاڎشایی جە ئېراقەنە، پارتو دیموکراتو کوردەسانی بەیانێش پەی ئا وەشیەیە بەرکەرد، دلېشەنە پیروزبایی وېش پەی گەل و هەم کۊمارو ئېراقی نیشان دا.
* تاریخو (#20-07-1958#ز.) بەرشنیییەی چەنەوەشبییەی گرڎین پەی تەمامو زیڼانییەکا دلۍ ئېراقی، بە فەرمانو ڕژېمو عەبدولکەریم قاسمی، بڕێ فرۍ زیڼانیۍ کوردېچ کۆتۍ وەرو عەفواتەکەی.
* تاریخو (#27-07-1958#ز.) وەفدێ کورڎی لوا پەی شارو بەغڎای پەی لاو عەبدولکەریم قاسمی، بە نیازو پیروزبایی وەنەکەرڎەیش پەی ئامای سەرو دەسەڵاتی.
* مانگەو (09) ئی ساڵېنە، وەفدێ پارتو دیموکراتو کوردەسانی لوا پەی شارو پراگی، کە ئینۍ بېنۍ: ئیبراهیم ئەحمەڎ، نوری ئەحمەڎ تەها، سدیق شېخ بابۆ بارزانی و عوبەیدوڵڵا بارزانی.
* تاریخو (#10-09-1958#ز.) کۊچی دمایینو شېخ محەمەڎ سەی بچکۆلە، نامبریا پېشمەرگێوە دلۍ سوپاکۍ شېخ مەحمووڎی بۍ.
* تاریخو (#07-10-1958#ز.) گېڵایۆ مستەفا بارزانی جە شورەوییۆ پەی بەغڎای، کە بە تەرزێ فەرمی کاربەدەسۍ ئېراقی لوێ پېوایشۆ.
* مانگەو (11) ئی ساڵېنە، کۊبییەیۆ پارتو دیموکراتو کوردەسانی و حیزبو دیموکراتو کوردەسانو ئېرانی، کە چاگە بارزانی وەرنیارو ئانەیشەکەرد هەردوە پارتەکە یۊبگېران و ببان بە یۊ.
* مانگەو (12) ئی ساڵېنە، داگیرکاری تورکی، کوردێش کیاست پەی لاو پارتو دیموکراتو کوردەسانی، پەی ئانەی بە چەک و زەڕ یاردی کورڎی بڎان، بەڵام بارزانی ئانەشە بە پیلانێ وینا و یاردییەکەش وەرنەگېرت.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید.[1]