دەقو پېخامو ئېژا ئۆجەلانی جە زیڼانو ئیمرالییۆ سەبارەت بە قۊناخۍ تازۍ ئاشتی جە تورکیا.
بانگدای ئاشتی و کۊمەڵۍ دیموکراتیکۍ
پەکەکە؛ سەڎەی ویسەمەنە، دلۍ تڼتەرین سەڎەی تارېخینە مەرزیارە، ئا زەمینە پەکەکەش دلېنە مەرزیارە، زەمینەو دوۍ جەنگە جەهانییا بۍ، سەردەمو سۆشیالیزمی بنیاڎنریای و سەردەمو جەنگی سەردی بۍ دجە جەهانەنە، ئەچا زەمینەنە ئینکاری جە هەقیقەتو کورڎی، قەڎەخەکەرڎەی ئازاڎییەکاش، بەتاییبەت قەڎەخەکەرڎەی ئازاڎی ۋیری ئارانە بۍ.
جە ڕوەو تیۆری و بەرنامەی و ستراتیجی و تاکتیکیۆ، هەژموونی ڕاسینەو سیستەمو سۆسیالیزمی بنیاڎنریاو سەڎەکەی سەرو ئی بەرکۆتەیە درووسبېیەن. ساڵەکاو دەهەو (1990ز.)، بە مەڵامەتو وڕارەی سۆسیالیزمی بنیاڎنریای بە هۊکارو گرفتە دلېگەرییا، ماڕای ئینکاریکەرڎەی جە ئەشناسەنامە جە وەڵاتەنە و وەڵکۆتەی ئازاڎی ۋیریی، بی بە هۊ ئانەی کە پەکەکە جە واتاو وېش ببەخشۊ و وېش فرە دوەبارە بکەرۊوە، پا مەڵامەتەیچۆ ئاڎیچ پېسە ئاڎیشا تەری یاوان کۊتایی ژیوای وېش و پەنەوازیش بە هۊروەشنایۆ وېش هەن.
پېوەڼی میانو کورد و تورکی؛ دلۍ تاریخینە زیاتەر جە هەزار ساڵان، تورک و کورد پەی ئانەی یەکبین درېژە بە بییەو وېشان بڎان و دژو هېزە هەژموونوازەکانی سەرو پەیانو وېشان مدران و بمەناوە، یەکبین بە زەروورشان زانان، کە بە دڵوازیی بە هامپێمانیی بمەناوە.
ئەچی دوە سەڎەو کۊتایی مۆدێرنیتەو سەرمایەداریی، ماڕارەی ئی هامپێمانییەیشە کەرڎەن مەرامو وېش، ئا هېزۍ کە هەژموونشان ئینا سەرۆ، چەنی بنەما چینایەتییەکاشان، خزمەتو ئی مەرامەیشان بە بنەما گېرتەن، ئی پرۊسە بە ئەشناسەکەرڎەی یەکڕەنگیی کۊماری گورجتەر بییەن. هەرمانەی ئەوەڵینە ئانېنە، کە ئا پېوەڼییە ویەرینە کە ئارۊ مەڕیان، بە ڕۊحێ برایانە و یۊیانە و نەۋستەی پەشتەو گۊشا متمانۍ، سەرجەنۊ دەس بە ڕېکۋستەی بکەرمۍ. پەنەوازی کۊمەڵگای دیموکراتیک دەسچەنەوەرنەدریێنە.
پەکەکە، دلۍ تاریخو کۊمارینە درېژتەرین و وەرفەراوانتەرین تەڤگەر (نەساکیەر)و سەرهوردای و تڼ و تیژین، چوونکووم ڕاو ڕامیاریی دیموکراتیکی ژنیێبۍ، پەکەکە بەهېز بۍ، پەشتیوانیش پەی ئۍ.
دۆڵەت-نەتەوە جیاوازەکۍ، فیدراسیۆنەکۍ، وېڕاوەبەری ئیداریی، ڕابازە کەلتورییەکۍ، بییۍ بە دەرئەنجامو نەتەوەپەرەسیێ تڼی، نمەتاوان ببان بە جوابدەرۍ کۊمەڵئەشناسی کۊمەڵگای تاریخی.
حورمەتگېرتەی جە ئەشناسنامەکا، ئازاڎی ۋیری، بە ڕېکۋستەی بییەی دیموکراسیی، ئەرەمەرزنای کۊمەڵگای-ئابوریی و ڕامیاری تەمامو پېکئاماکا، تەنیا بە بییەی کۊمەڵگای و گۊڕەپانەی ڕامیارییە دیموکراتیک بەڎی مێ.
سەڎ ساڵەو دوەمەو کۊماری، تەنیا کاتێ بە دیموکراسیی ڕەنگڕېژ مەبۊن، مەتاوۊن ببۊن بە خاوەنو یۊگېرتەیی و مەنەیۆ و یەکبینیێ مسۆگەری، جە دیموکراسیی ترازیۊن، هیچ ڕایێوە پەی وەڵکۆتەی و مەرزنارەی سیستەمی نییەنەو بەڎی نمێ، هەمئاهەنگی دیموکراسیی ڕابازیی بنچینەیینە.
مەشۊم زوانی سەردەمیانەی ئاشتیی و کۊمەڵگای دیموکراتیکیچ، بەپاو ئی هەقیقەتا گەشەش پەنە بڎریۊن.
ئا بانگەوازە کە ئېژا دۆڵەت باخچەلی کەرد و ئا ئیرادە کە سەرۆک کۊماری نیشان دا، نزیکبییەیۆو پېوەڼی ئەرېنی پارتەکانو تەری، ئی قۊناغېشە ئاردە بەرهەم، منیچ ئەچی قۊناغېنە داواکاری نیارەی چەکی مەکەرۊن و وەرپەرسایی تاریخی ئی بانگەوازېچمه مەگېروو گەردەن.
هەرچەنی هەر کۊمەڵگا و پارتێ سەردەمی، بییەیش بە فشار و زۊرەملۍ کۊتاییش پەنە نامان، شمەیچ بە دڵوازییوە کۊنگرەو وېتان ببەسدۍ و قەرار بڎەیدۍ، مەشۊم گرڎو گرووپەکا چەک بنیارە، پەکەکە هۊروەشیۊوە، ئەچېگۆ سڵام پەی
گرڎیتان مەیاونۊ کە بڕواتان بە ژیوای هامبەشۍ هەنە و گۊش جە بانگەوازەکەیم گېردۍ.
25-02-2025
عەبدوڵڵا ئۆجەلان.[1]