نامۍ ڕېککۆتەنامەو سایکس بیکۆی جە چېشیۆ ئامێنە؟
جە دەمو جەنگی جەهانی یەکەمینە، وەڵاتە زلهېز و قۊدرەتمەندەکۍ پېسە بەریتانیای، فەرەنسای،ڕوسیای قەیسەری چېر بە چېر بە پەنهانی کۆتی نیازو بەشکەدەی وەرکۆتو میانی و بە دیاری کریایی سەرزەمینو دەسەڵاتو خەلافەتو عوسمانی. سیر مارک سایکس پېسە کیانیاو بەریتانیای و جۆرج پیکۆ پېسە کیانیاو فەرەنسای دیاری کریێ پەی ئا هەرمانۍ.
دماتەر کیانیاو ڕوسیای سازانۆف، شالیارو کاروبارو بەرو ڕوسییەی چا ڕېککۆتەنامەیە ئاگاڎار کریا، بەڵام بە مەڵامەتو فاڕیای دەسەڵاتی جە ڕوسیانە و سەرکۆتەی بەڵشەفییەکا ملو قەیسەریرە، تەمامو ئەرشیفە پەنهانییەکا کۆتۍ چېرو دەسا بەڵشەفییەکا و ڕېککۆتەنامەکە نەلانە بوارو پراکتیکی.
هەر پەوکەتەی ئا ڕېککۆتەنامە بە نامۍ کۊڵەکریێ هەر دوە کیانیاو بەریتانیای سیر مارک سایکس و کیانیاو فەرەنسای جۆرج پیکۆ نریا.[1]