ڕۆ زوانو ئەڎایی مبارەک بۆ
زوانو ئەڎێ ئا زوانە یەکەمەنە کەپەنەش گۊش کریەی و لاونات پەنەش، پەوکای پارېزنایش هەرمانێوە ئەخلاقی ئارۊیانەن.
زوان ماناو ئا گۊ کەرڎەی و پەنەدوایە مڎۊ کە خەڵک یان خەڵکانێوە پەنەش دوا، چەنی یوترینی پەیوەندی گېرا، پەنەش گوزارشت جە وېشا و ویر و سەرنجەکاشا کەرا و پەنەش لاویا و پەنەش لاونا،
سۊز و عاتفەیشا درکنا و گۆرەمیتوو بییەی و ژیوای و مەنەیوە کەراو بەردەوامیش پەنەمڎا.
حورمەتو زوانی ئەڎایی کاتێ ڕەوایی ورگېرۆ حورمەت پەی زوانی ئەڎایی ئەویتەری بنریۆرە،
مشیۊم من من بو و تویچ وېت بی نمەکریۊ من تۊ بوو جا تۊ بواچی تۊ هەنی، تۊ وېت بەو منیچ وېم،
نمەکریۊ زوانێوە کریۆ قوربانی زوانیوە تەری.
ئەمین عەبدولکەریم.[1]