وېش مەی
بەشو یەرۆمی
دلې مەژگوو وېمەنە حەساب و کتاب کەرېنا، خوڎاایا لاو کێوە ئی پووڵیە قەرز باروو؟
واتم خوڎاا سەڎ، نا سەڎ کەمێنێ، هەزار سەڵواتێ نەزرە با پا شەرتێ ئی پووڵە جۊر بۊ.
بە وەرپرسەکەیش واتم مەکریۆ نەختێو جە پووڵەکەیش بڎەو تاکو بلوە یانە ئەویچتا پەی باروو؟  بە وېم واتم دروێ خۊ شاخ و باڵش نېیەن. تەرەفیچ واتەو نایە قۆرسی یاگې قسېش پەی ناسانیوە. لوانیوە لاو ئەڎا گەورێم و واتم بنیشەرە تاکو بلوە یانە و عازا مەوە. ماچا مەشۆم ئێمشەو چیگە مەنیوە. ماچېوەم کەرڎە کرژ ڕەمانی پەی بەری، ئەسڵەن هۊشوو وېم نەبېم مەشییایا لوایانې ئەوەسوو خیابانەکەی تاکو عازا لوایانېوە پەی یانەی زانایام جە هامسایا متاو قەرز گېروو. خەریکە بېنې دلې هۊشیمەنە یۊ یۊوە وزێناشارە کتووپڕ و تن کېشام یۆویرە. حەساوی ئێشم پەنە یاوا و نیشتانیرە. فرە خراو شانەم ئێشش پەنە یاوا، سەرەم هۊر بڕنا گەرەکم بې قسێ واچوو بە تەرەفی. بەڵام تاکو چەمم پەنەش کەوت زوانم قڵفش کەرد. ئئنە وەش پەنەکەوتە بې تەنات نەتاوام پەنەش واچوو چېشتەن مەگەر نمەوینی؟!!
عازا هۆرێستانیوە و وېم تەکنا، ئیسە ئاڎ گەرەکش بې من باقیڎار کەرۊ. گاهەز ئاڎیچ دڵش پەڕ بییەبۆ قسێ پەنەم واچۊ، بەڵام شەرمی گېرتەبییەبۆ. پەڕە مشتیە دەوایێ مجیەیبېنېرە وەرو پایام. پی حەڎە کۊمیەورە و جەمشاوە کەروو وێچش نامیارە بې‌دەنگ تەنانەت هیچ کام داواو چەنە ۋېیەردەیما جە یۊترینی نەکەرڎە. یاگې سەرە سڕ منەی بې، نە قسێما واتێ و نە داواو بەخشەیما کەرڎە. ڕاسی ئەسڵەن خەتاکار کێ بې؟؟!!
دەوایەکام کەرڎې دلې دڵقەکەی و هۆرێستانیوە، ئاڎیچ هۆرێستەوە و دام دەسشوە. فەقەت تەماشا کەرې، بې قسە پاڵشەنە ۋېیەردانی. دلې دڵیمەنە واتم بەچکە سووسوول دانیشەنە و کوشتانیش تەنانەت یەک جار داواو بەخشایچش نەکەرڎە.
وېم یاوناوە یانە، سەعاتەو هەشتی بې، بەرەو یانە هامسای ئەوەڵیم دا و قەزیەکېم پەی گېڵناوە، سەرو گېیانوو ڕوڵەیش قەسەمش وارد کە دەسم هاڵین. ئی هامسا، ئەو هامسا گرڎ قەسەم وەرانشا بې سەرو مانگێن و دەسما هاڵین. هەقم پەنە دای، منیچ سەرسوح هەر ویروو ئا قەزیێ دابېش سەرەیم. عازا لوانیوە یانە و کلکەوانێو یادگاری ئەڎایم بې هۆرم گېرت و ڕوو بە نەوشخانەی کەوتانی ڕا.
نویسەر: ئارەزوو_ئەمانی
هۆروەگېڵنای: گوڵزار شەریفی_بېساران.[1]