نەژیوان
هۆنەر و ئەدەبیات گاهەس بەڕواڵەت ژیواینە
کاربوردشا نەبۊ و هەرمانێوەما پەی نەبەرا، بەڵام بېشەک کاریگەری فرە قووڵشا هەن ملو کۊمەڵگایرە. هەر چن جە سەرەتاوە مەڵهەمێوەنێ پەی داخا و زاما، بەڵام بەڕاسی پی جۊرە تاومې هەنگامێوە گەورێ هۊرگېرمې پەی دماڕۆ وەڵاتیما و نەسڵوو دماو وېما. نویستەی داستانێ، سەفەرێوەن پەی دەروونوو وېما و بنەڕەت‌نیای ئێدۆلۆژی و منێ تازە و قارەمانی. داستان‌نویستەی بۊ هۆ ۋیریاینەی؛ و ۋیر و سەرەنجدای؛ ئینسانی سازنۆ. قازانجێ فرە منیۊ ملو ویر و باوەڕوو ئینسانەکارە و ئێدۆلۆژیشارە. تاخێت چارە و سەرنوېشت فاڕۆ و شەخسەیەت سەیقەڵ مڎۆ و ڕیک و پیکش کەرۊ.
نەژیوان، تازەتەرین کتېبوو کۊڵە داستانی هۆرامین کەبە قەڵەموو خاتوو دڵگیر بەهرامی (واریا) نویسیان. ئی کتېبە (125) لاپەلێن و بە شېوازوو و سەبکوو ڕێئالیسمی بەرهەم ئامان؛ (13) کۊڵە داستانێ بە ناماو: (پەلەقاژە، وەش‌بۆتەرین_عەتر، یاغی، نەژیوان، کۆچ، بێگانە، پەنا بە ئاویری، تۆ ژەنینی، گۆناو وەشەسیایی، ڕەنگینێ، قۆرعان‌وەنای، تاڵە‌ماسە) گېرۆنە وەر.
بڕێ چی داستانا نمادینێنێ و هېماو گرفتاو ئارۊ کۊمەڵگاو ئېمەنێ و دۊخێوە کە جە زەمان و مەکانێوی دیار و ئاشنانە ڕوە مڎا.
نەژیوان، کتېبێ پڕ جە ڕمز و ڕازا کە ژیوای نا، نەژیوان و ئازارێ و داخێ و وەرپەنگێو ژیواو ژەناما پەنە نیشانی مڎۆ. دۊخێ کە ژەنوو ئارۊی کەوتێنەشنە و گېڵوو شۊنۊ هویەتیشرە و کێ‌بییەیشرە و ... و کۊشش مڎۆ وېش دلې سونەتە غەڵەتانە و چېرو نامې جنسوو دوەمین کېشۆ جبەر و بە نامۊ ئینسانی و کرامەتی ئینسانیوە جە نەژیوانی وېش ڕزگار کەرۊ.
دڵگیر بەهرامی (واریا).
[1]