کورد دلۍ چەرخەکا تاریخینە
هۊرئەوەگېڵنای و ئاماڎەکەرڎەی: ئەسعەد ڕەشید
بەشۍ: یەرەسەڎ و نەوەڎ و چوارەمە
* بەرکەرڎەی ڕۊنامێوە بە نامۍ (دیسان بارزانی)، بە دەسو ئەحمەڎ تۆفېقی.
* مەسعود بارزانی بی بە پېشمەرگە.
* ئامای دنیای ڕزگار محەمەڎ عەبدوڵڵا.
* م. ب. ڕودێنکۆ، مەم و زینو خانیش بە زوانی ڕووسی جە مۆسکۆ وەڵاکەردۆ.
* بەرشییەی ژمارە (1) گۊڤارەو دەنگو ژەنۍ جە ناوچە ڕزگارکریاکا پانیشتی.
* تاریخو (#26-01-1962#ز.) ڕۊنامێوە ئەڵمانی کە شارو کۆڵنی بەرشۍ، نویستەبېش: یەکیەتی سۆڤیەتی پەشتیوانی پېشمەرگە کوردەکا کەرۊن و شەوېنە هەواپڕۍ سۆڤیەتی چەک و کەرەسۍ جەنگی مەبەران پەی ناوچەکانو پانیشتو کوردەسانی.
* مانگەو (02) ئی ساڵېنە، هۊتەرەو پېشمەرگەکا پانیشتی پەی سەرو بنکەکا پۊلیسو داگیرکاری ئېراقی جە ناوچەکانو زاخۆی و چەک کەرڎەیشان، هەم بڕیەی خەتو تەلەفونی میانو زاخۆی و هېزەکانو داگیرکاری ئېراقی، لایێ تەریچۆ پېشمەرگەکۍ سەرکۆتێوە تەرشان دلۍ ناوچەکانو گەلی سپی و گەلی زاوێتەی بەدەس ئاوەرد.
* کۊتاو مانگەو (3) ئی ساڵېنە، هۊتەرەو پېشمەرگا پەی سەرو ناوچەکانو ئاکرێ.
* مانگەو (04) ئی ساڵېنە، کۊچی دمایینو نویسەر و خاسکارو کورڎی مامۊسا نەجمەدین مەلا، جە شارو سلېمانی، نامبریا دلۍ یانەکەو وېشەنە مەرد و دمای چن ڕوێ پەنەشان زانا، سەرو کەشو ئەزمەڕیۆ نریان.
* کۊتاو مانگەو (05) ئی ساڵېنە، پاککەرڎەیۆ ناوچەو بادینانی جە داگیرکاری ئېراقی و ئەسعەد خۆشەوی بە فەرمانو شۆڕشی کریا بە ڕاوەبەرش.
* مانگەو (05) ئی ساڵېنە، ڕزگارکەرڎەی ڕاو هاملتۆنی میانو ڕەواندوزی وحاجی هۆمەرانی، بە دەسو پېشمەرگەکا شۆڕشی.
* تاریخو (#19-05-1962#ز.) کۊچکەرڎەی دکتور جەمال نەبەزی چېگۆ پەی وەڵاتو سویسرای.
* تاریخو (#07-06-1962#ز.) ئۊرگانو پارتو سۆسیالیستو یۊگېرتەو ئەڵمانیای وەرکۆت نویستەنش: ئەڵمانیای وەرنیشت ڕائاردەرەی پا کوردە ئاوارە مەکەرۊن کە ڕەمێنۍ پەی ئەڵمانیای بە نییەتو وڕنای حکومەتو قاسمی.
* تاریخو (#18-06-1962#ز.) کۊچی دمایینو شاعېرو کورڎی ئەسیری جە شارو کەرکوکی، کە هەر ئەچاگە دلۍ گۊڕەسانو تەکیەو نەخشبەڼیی ئەسپەردە کریان.
* تاریخو (#25-06-1962#ز.) کۊچی دمایینو موزیکزان و گۊرانیواچ قادر دیلان جە کوردەسانۆ پەی پراگی، نامبریا دەیان ساڵۍ چاگە مەنۆو هەر چاگەیچ مەردو هەر چاگە نریان.
* مانگەو (08) ئی ساڵېنە، داگیرکاری سوری سەرئەژماری تاییبەتتو پارېزگاو حەسەکەیش کەردە و خەڵکێ فرەو کورڎی بە بېگانە و بۍ ناسنامەی سوری تۊمارۍ کریێ.
* مانگەو (08) ئی ساڵېنە، کۊمەڵەو وانکارا کورڎی جە ئۆروپا، کۊنگرەو حۆتەمو وېش جە براون شڤایک جە ئەڵمانیا بەست.
* تاریخو (#18-11-1962#ز.) گۊرانی شاعېر کۊچی دمایینش کەرد.
* تاریخو (#20-12-1962#ز.) ڕۊنامەو سەندەی تێلگراف نویستش کە گۆرەتەرین گیروگرفتو کوردەکانی، گرفت و ناکۊکی میانو وېشانەو بییەن بە وەرپەنگ پەی بنیاڎنیای کوردەسانێ ئۆتۆنۆمی.
* ساڵەو (1963ز.) چن تۊمارێ پېوەس پی ساڵېوە ئینێ وەردەسەنە:
* قەنارەدای سەلام عادلی، سکرتێرو پارتو کۊمۆنیستو ئېراقی (حشع)، بە دەسو بەعسییەکا.
* وەڵاکەرڎەیۆ کتېبو بیبلۆگرافیاو کوردئەشناسی جە مۆسکۆ، بە دەسو ژ. س. موسیلیانی.
* ئەچی ساڵېنە، شاو ئېرانی بانگو شۆڕشی چەرمەیش دا.
* وەڵاکەرڎەیۆ کتېبێ بە نامونیشانو گژېرەلوای سەرو کوردەسانی بە زوانی ڕووسی جە مۆسکۆ، بە دەسو ن. ا. خالقی.
* ئەچی ساڵېنە، دکتور کەمال مەزهەر ئەحمەڎ نامۍ دکتورایش بەدەسئاوەردە جە باکۆ، بە نامۍ ژڵېوەی ئازاڎی نەتەوەیی جە کوردەسانو ئېراقی ساڵەو (1918- 1923ز.).
* وەڵاکەرڎەیۆ وەتارێ بە نامۍ واچۍ تېکەڵۍ دلۍ زوانی کورڎینە، بە دەسو ئی. ئی. تسوکەرمانی، دلۍ کتېبو وتارەو زانایا مۊچیارگاو زوانەوانی، لینینگراد.
* هامنو ئی ساڵېنە، هېزێ بەعسییەکا هۊتەرەشان کەرڎە سەرو دەگاو (سەیداوە)ی ناوچەو هۆلېری و دەسدرېژی ناموسیشان کەرڎە سەرو ژەنێ کوردۍ.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید.[1]