زوانی هۆرامی پەی لیستەو زوانا کتېبیانەی ئەڵمانی زیاڎکریا
بە وەشحاڵیوە شۊنۊ چڼینساڵې و مانگێ تەقالادای و نامە و ئیمەیل کیاسی وە پەی کتێویانەو نەتەوەیی وڵاتەو ئاڵمانی جە شارەو بېڕلینینە، جە سەرەو زیاڎکەرڎەو کورڎی هۆرامی (گۊران)ی بە لیستەو زوانەکاش، کتێویانەو بېڕلینی جواوەو نامەکا و ئیمەیلەکاش بە ئەرۍنی دانیوە.
کتێویانەو نەتەوەیی ئاڵمانی جیا چانەیە کورڎی هۆرامی (گۊرانی)ش بە لیستەو زوانەکاش زیاد کەرڎەن، ئارۊ جە دمایین جواوەنە دوبارە سپاسی گەرمش کەرد پەی ئا نامې و ئا تەوزێحانە جە سەرەو کورڎی هۆرامی و گۊرانی ئاڕاستەم کەرڎېنێ و پسەو دمایین بڕیاری بڕیارشا دا کە جە نوویسیەو کاتالۆگەکاشانەنە چیسەلاوە جە ئیشارەی زوانەوانینە جە هەردوی نامې گۊران و هۆرامی کەڵک مەگېرا و یۊشا جە وەردەمەو ئەویتەرینە مۆزا لێ کەمانەی ( ).
باس و خواستێ و داواکاریەکېم جە سەرەو چڼینوردەکاریێتەری چەی بارەوە چەنی کتێویانەو نەتەوەیی ئاڵمانی درېژەشا هەن و جە ئەرەو هەر بڕیاریە تازێ و ئاڵوگۆڕینە، هاگاڎاری جە خزمەتانە وڵاوە مەکەروو.
ئیدریس پیری.[1]