یاڎەوەریێوە دەربەڼدزڵیۍ
بەشەی دوەمە
ڕاکۆتیمې ڕوەو خەرپانی، جەماوەو دوې سەعاتو نیمینە ئینەما کەرد، دیسان پاسداری بې نتق و بېمروەت لواوە وەرۆو ئېمەیچ هەریەریما سەرو کەلو پەلیۆ، (جا کاک موختار) شش حەوت کەرگیچش مەنې بېنې مەزا چەنیش گېرتې بېنې قاچېشا بەسیێبېنېو هەر قیڕەشا ئې تادەربەند دزڵیە، ئامایمێ خەرپانی و پاسدار بەسڵامەتی سایەقەکەو ئېمەیجش دایېمێ دەسو کابرای مەسولیۆ، بەزوانی ڕۊچېوە چەنی گەڵابەی کەوتیمێڕا، کوڕێ تەر چەنی سایەقەکەی ڕېک کەوتەبې نامېش (کاک عبدالرحمان)بې بیبەشەریکو ڕېما ئاڎکەلو پەلش نەبې پېشمەرگەی پەرتەوازەو بېچەک بې، یەرېما وەرۆ نیشتیمېرەو (کاک موختار دەرەمەڕی) ماچۊ من دماوە نیشورە وەرو کەرگەکام نەوەک مرا، بەکوڵیو پوخت ، کەوتیمێڕاو ئیجار سایەقەکە پەلەش نەبېو تەرسەو تۊپاش نەبې ، جەپاوە بەرشیەیمې لێوەنە لاشدا ماچۊ بانان وەرمې بەڵە وەستیمېرەو کاک عبدالڕحمان و سایەق) نانشاواردو ئېمەیچ نماو نیمەڕۊی و عەسریما کەرڎەو کەوتیمێڕا، سایەقەکە پیېوەعال بې جەڕوەو کۊمەڵایەتیۆو ورئېستەو نیشتەیشۊ بەڵام چەنی کاکەی پېشمەرگەی یۊشاگېرتو نەمێ سەرشاخو ئېمە چی ڕۊچې گېردېو نما کەردې ؟ مەویندې چوەزعێ ئامێنەملو کورڎیرە؟ ئیتر تانزیکې شارو سنەی بییەیمێ قسې بېمانێو موناقەشەمابی، ڕۊجیار نیشت واتما برا لێوەنە لادە باڕۊچەکېما ماڕمې واتش سەروچەما لێوەنزیک بی قسمەتما وەستیمېرە مەتعەمێ پیسو پۊخڵەنە ڕۊچېما ماڕاو نماما کەرڎەو ڕاکۆتیمې، سەعات دەو شەوې یاوایمې (شارو سنە)ی سایەقەکە خەڵکو سنەی بې، واتما مېمانخانېوەما نیشانەدەو گەڵابەکەی بەرۊ لایەنەی تاکو سەوای گنمێڕا، دیاماپۊرەو ماچۊ چەنی ئانەی قبوڵ کەرو ئېشەو مېمانې منەندې جارێ ژەنەکېچم چی جەماعەتو شووراو شەمسینە ئانە چەنی شمە وەشش مێ، هەرچی حەولو وەلاماکەرد بېفایڎەبې، ڕېک بەردیمېش وەرو بەرەیو واتش فەرماودې ، واتش (بەکاک موختاری) خەمو کەرگەکات نەبۊ لوادلې گەڵابەکەیو وەش تەرتیبشا کەرد کە نەفەوتیا ، ئېمەنانما واردەبې ، ئاو جاییشا پەی ئاردیمېو ژورێ وەششاپەی دیاری کەردیمې، نماماکەرڎەو وتیمې، سەعاتێش مەنەبې پەی پارشەوی هایشا کەردیمې ، سفرېوەشاهانەشا پاشەوېنە ڕازنابێ پەیما خواجەزاو خەیریشا بڎۊوە ( ئینەئېمەبەهیچ جۊر تاپۊ ئی ژەنەقابیلیەتدارېما نەڎی ) پارشەوما کەردو واتما (بەکاک عبدالرحمن)ی نەگبەت ورزە نان وەرە سەوای ئی نانەعالەتە دەس مەگەنۊ ، بەگۊشش کەردیمې، واتما ڕۊچې نەگېری و پارشەویچ نەکەری کافر هەی کافر هههه. یانەشا ئاوەڎان دماو نماو سەحبی ڕاکۆتیمېو سەعات دەو نیم ئامایمێ ئوردوگا ، بڕێ زەڕما حازر کەرد بەهەدیە پەی برای ڕایندەی بەهیچ کلوەجێ قبوڵش نەکەرد، کاک عەبدالرحمن)یچ ئیسە جارجار وینوش پیېوەعال و ئەهل و مزگین، ئیتر نمەزانۇ ئاڎیچ من مشانسۊوە یان نا من حەزمەکەرو ئانەش وزوە هۊش.
مەهدی میکە عەلی.[1]