مامۆستا مەلا کەریمی بیارە ساڵێک لە بیارەوە بەڕێ ئەکەوێ بۆ ئەو دەوری تەکیەی لای #خورماڵ#ە لە شارەزوور، بۆ ناو خزمەکانی کە لە بەرەی قازییان بوون. لە ڕێگادا تووشی «قانع»ی شاعیر ئەبێ. ئەڵێ: قانع با بچین بۆ ناو ئەو خزمانە چەند ڕۆژێک لەوێ ڕائەبوێرن و ئەگەڕێنەوە. قانع ئەڵێ: باشە. ئەچن، لە ڕاستیدا خزمان دێن بە پیریانەوە و چەند ڕۆژێک لەوێ ئەبن. هەر ڕۆژە نیوەڕۆ لە ماڵێک و ئێوارە لە ماڵێک بانگێشتیان بۆ ئەکەن. قانع ئەڵێ: مامۆستا مەلا کەریم هاتی و نەهاتیم بە خۆم و خۆتا تاقی کردۆتەوە، تۆ هاتتە و من نەهاتمە. ئەڵێ: چۆن؟ ئەڵێ: تۆ دێیت بۆ تەکیە بۆ ناو خزمەکانت ئەوەتە هەموو دەوڵەمەندن. هێزە ڕۆن لە لایەک کەوتووە. سوێنە پەنیر کڵاشە ئەکا، مەڕ و ماڵات خوا نەیبڕێ هەر ڕۆژێ بە بانگێشتن لە لایەکەوە دایانبەستووین. منیش ئەچم بۆ ناو خزمەکانم لە «کەوڵۆس» هەر لە کلکەی ئاوایی دەرئەکەوم سەگەکان دێن بە پیریمەوە. ئەوەندە شتیان لەبەر لاتی خزمەکانم لە ئاوایی دەست ناکەوێ لە تاوا لەسەر کەوشە چەکەکانی پێم ئەبێ بە شەڕیان و یەکتری ئەخلۆپێننەوە. کاتێ کە ئەوان لەو گرمەی شەڕەدان من خۆم لە دەستیان دەرباز ئەکەم و خۆم ئەکەم بە ماڵی یەکێ لە خزمەکانما. جا ئەوان حاڵی سەگەکانیان ئەوە بێ. ئەبێ حاڵی خۆیان چۆن بێ؟ کەوابوو ڕاستە تۆ هاتتە و من نەهاتمە.[1]
=KTML_Bold=تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!=KTML_End=
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 52 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!