ئاساوێش نیاوە دەنگش داوە
هەرمانە بە فرەیی و وېماڼای فرەی نییەن، کەسی چامنە هەن کە هەرمانێ دەس مەگېرۊ، بە هیلاکیێ کەم و هونەرێ فرە هەرمانەکې پۊڕنۊ، ئیتر دلې خەڵکینە دەنگې مڎۊوە، پېسەنە ئاساوێش وستەبۊ کار، کە ئاساو پانەی دەنگش مێ و قەرەباڵقەن دووریچۆ دیارەن. یانی ئا کەسە هەرمانێ چامنېش کەردېنە هەکە جە وەرو گۆرەییش دەنگ و باسش وەڵا بییەنۆ، مەبەس جە کەسێوەن هەکە هەرمانێوە فرە قیمەتییە مەکەرۊن، هەرمانەکېش چەنیبییەینە ئڼە گۆرې و ئېژێنە جە گرڎو یاگەکانە دەنگ و باسش وەڵابییەنۆو بیېنە بە بەقسې سەردەمی و گرڎو خەڵکی مژنەوۊش و باسش مەکەرۊ، پەی ماوێ فرەی دەنگ و باسش دلې وەڵاتینە حەر مەنۊ و خەڵک میانو وېشانە باسش مەکەران و بە نموونەو هەرمانې گۆرې و بەرهەمدارې باسش مەکەران.[1]