کورد دلې چەرخەکا تاریخینە
هۊرئەوەگېڵنای و ئاماڎەکەرڎەی: ئەسعەد ڕەشید
بەشەی: چوارسەڎ و پاڼزەهەمە
* تاریخو (#08-05-1974#ز.)، دمای جەنگێ دوەحۆتەیی، داگیرکاری ئېراقی تاواش جادەی سەراوڼو زاخۊی چېردەس بگېرۊوە.
* تاریخو (#16-05-1974#ز.)، هونەرمەڼ حەمەڕەشیڎ هەرەس، پېسە نویسەری و واچەری دەسش کەرد بە هەرمانە دلې ئېزگەو دەنگو کورڎەسانینە.
* تاریخو (#22-06-1974#ز)، کۊچی دمایینو گۊرانیواچ و موزیکژەنی (عەبەی سەی زاڎە).
* مانگەو (07) ئی ساڵې، حکومەتو ئېرانی داواوش جە ڕېکۋزیاو خاچی سووری و نەتەوەیۊگېرتەکا کەرد کە یاردی پەنابەرە کوردەکان بڎان.
* تاریخو (#14-07-1974#ز)، کۊچی دمایینو گۊرانیواچ (ڕەشۆل) بە نەوەشی، جە شارو تارانی، هەر ئەچاگە دلې دەگاو (ڕایات) بە خاکیشان ئەسپاران.
* مانگەو (08) ئی ساڵې، سەرەتاو مانگېوە پېوەنېشتەرەی حېزبو دیموکراتو کوردەسانو ئېرانی و حېزبو توودەی جە بەرلین، کە کیانیاو حدکا دکتور قاسملۊ و کەریمی حیسامی و حەمەدەمینی سیراجی و کیانیێکې توودەی ئیرەج ئەسکەندەری و کیانووری و عەلی گەلاوېژ ئاماڎې بېنې.
* تارېخو (#01-08-1974#ز.) پارتی جە ئۆروپا بەیانێش بە ئینگلیزی وەڵاکەردۆ، کە دلېشەنە بارو دۊخو کورڎەسانی و زەرەرەکې داگیرکاری ئېراقیش باسکەردېبېنې.
* تارېخو (#19-08-1974#ز.) داگیرکاری ئېراقی شارو قەڵادزېش داگیرکەردۆ.
* تارېخو (#22-08-1974#ز.) خەڵکو ڕەواندوزی شارەکەشان چۊڵکەرد و تەنیا کومونیستەکې دلېشەنە مەنێ.
* مانگەو (09) ئی ساڵې، هۊتەرەو داگیرکاری ئېراقی پەی سەرو کۊ (هەندرێن)، ناوچەو ڕەواندوزی.
* مانگەو (09) ئی ساڵې، ژمارەو پەنابەرە کوردەکا پانیشتی جە ئېران یاوێ (100) سەڎ هەزار کەسې، دلې ئوردوگاکانە.
* تاریخو (#15-09-1974#ز.) سەدام حسێن بانگشدا کە ئی وېرەگا نان جە گەڵاڵە مەوەرۊن، بەڵام ئا قسېشە سەرش نەگېرت و گەڵاڵە هەر چېرو دەسا پېشمەرگەکانە مەنۆ.
* تاریخو (#24-09-1974#ز.) داگیرکاری ئېراقی (هاشم ئاکرەیی) کەرد ڕاوەبەرو ناوچەو ئوتونومی.
* مانگەو (10) ئی ساڵې، بارزانی دوېجار چەمش بە (کیسنجەری) کۆت جە تاران.
* مانگەو (10) ئی ساڵې، هېزەکانو داگیرکاری ئېرانی بە تەمامی دەسشان وستەنە دلې کار و بارو شۆڕشو پانیشتی، بار و دۊخەکە چېرو دەسا شۆڕشینە بەرشییەبې.
* تاریخو (#03-10-1974#ز.) هۊتەرەو داگیرکاری ئېراقی پەی سەرو کۊ (زۊزکی)، جە ناوچەو دیانای و داگیرکەردەیش.
* تاریخو (#05-10-1974#ز.) داگیرکارو ئېراقی جە شارو هۆلېری یەکۆمین کۊبییەیۆ ئەرەمەرزیاو ئۆتونومی سەربەۋېش ڕېکۋست.
* مانگەو (11) ئی ساڵې، پېشمەرگەکې پانیشتی مووشەکې دژە تانکېشا دژو داگیرکاری ئېراقی بەکارئاردې.
* تاریخو (#15-11-1974#ز.) کەردەیۆ ڕاو میانو بادینانی و چۊمانی بە فەرمانو شۆڕشی.
* تاریخو (#29-11-1974#ز) کۊچی دمایینو شاعېر عەلی باپیر ئاغا، ئەشناسیا بە (کەمالی).
* ساڵەو 1975ز.)، چن تۊمارێ پېوەس پی ساڵېوە ئینێ وەردەسەنە:
* دەسێ بە سەرداری (مسەفا جومعە)ی جە پارتو چەپڕەوی کوردی وەرنیشتو کورڎەسانی جیێ بیێ و پارتی نەتەوەیی کوردیشان مەرزنارە.
* داگیرکاری ئېراقی دمای هەرەسەو شۆڕشی (152) سەڎ و پەنجا و دوې هەزار پارچە چەکېشا دلې کورڎەسانینە گلېرې کەردێ.
* بەستەی کۊنیشتێ کۊمەڵەو وانکارانو کوردی جە ئۆروپا نۆکسە، دماو هەرەسەو شۆڕشو کوردی جە پانیشت، دلې هۊڵو زانکۊ تەکنیکی جە شارو بەرلینی، دلېشەنە میر کامەران بەدرخان و حەمەڕەش ڕەشۆ، بەشداریشان چەنەکەرد.
* بەستەی کۊنفرانسێ نائاسایی کاژیکی جە شارو نەغەدەی، وەرکۆتو کورڎەسانی، کە دلېشەنە پەی هەتا هەتایی ژڵېوەکې وېشانشان مدرنێ و ئیتر نامې کاژیکی پېسە ڕېکۋزیێوە پەی جارێتەری نەژنەویا.
* داگیرکاری سووری نزیکەو حۆت هەزار بنەیانې عەرەبېش ئاردې پەی ناوچە کورد نشینەکا وەرنیشتو کورڎەسانی و دلې چل دەگا نموونەییانە نیشتەجایې و چەکدارېش کەردې.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید.[1]